توزىعى جەتكەن كولىك وتكىزگەندەرگە جاڭاسىن ساتىپ الۋعا جەڭىلدىك سەرتيفيكاتى بەرىلەدى، - دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ.
باسپا ءسوز قىزمەتىنىڭ مالىمەتىنشە، 2017 جىلدىڭ 26 ماۋسىمىنان باستاپ ەلىمىزدە توزىعى جەتكەن كولىكتەردى تاپسىرۋشىلارعا جاڭا كولىك ساتىپ الۋعا جەڭىلدىك بەرىلەتىن سەرتيفيكات باعدارلاماسى ىسكە قوسىلادى. ق ر ەنەرگەتيكا مينيسترلىگىنىڭ تاپسىرماسىمەن جاسالعان باعدارلامانى "وكم وپەراتورى" ج ش س ق ر ينۆەستيسيا جانە دامۋ مينيسترلىگىمەن جانە وتاندىق اۆتووندىرۋشىلەرمەن بىرلەسە قۇراستىردى.
باعدارلاما تالابىنا بويىنشا ەسكى تەحنيكانى وتكىزۋشىگە اتاۋلى سەرتيفيكات بەرىلەدى. قازاقستاندا وندىرىلگەن كولىك ساتىپ العاندا سەرتيفيكات جەڭىلدىك رەتىندە پايدالانىلادى.
جەڭىلدىك بەرەتىن سەرتيفيكاتتىڭ قۇنى تاپسىرىلاتىن كولىك قۇرالىنىڭ ساناتىنا بايلانىستى 315 مىڭ تەڭگەدەن 650 مىڭ تەڭگە ارالىعىندا بولادى.
باعدارلاما بويىنشا وتاندىق وندىرۋشىدەن كەز كەلگەن ساناتتاعى كولىك قۇرالىن ساتىپ العاندا جەڭىلدىك سەرتيفيكاتىن پايدالانۋعا بولادى. جانە دە ءبىر اۆتوكولىك ساتىپ العاندا 2 سەرتيفيكاتقا دەيىن پايدالانۋعا مۇمكىندىك بار.
"جەڭىلدىك سەرتيفيكاتى اتاۋلى جانە ونى وزگەنىڭ اتىنا تىركەۋ ەكى رەتتەن ارتىق جۇرگىزىلمەيدى. سونداي-اق ونى قايتارىپ بەرۋگە جانە قولما قول اقشاعا اۋىستىرىلمايدى. سەرتيفيكات تىركەلگەن كۇننەن باستاپ 12 ايعا دەيىن جارامدى. توزىعى جەتكەن كولىك قۇرالدارىن جويۋ باعدارلاماسى وتاندىق پاركتىڭ جاڭارۋىنا، قازاقستاندىق ءاۆتووندىرىستى ىنتالاندىرۋعا جانە ۋتيليزاسيا سالاسىنىڭ ينفروقۇرىلىمىن قالىپتاستىرۋعا مۇمكىندىك بەرەدى"، - دەلىنگەن حابارلامادا.
باعدارلاما جونىندە تولىق اقپاراتتى auto.recycle.kz رەسمي سايتىنان وقۋعا بولادى.
