وڭتۇستىك كورەيا ۇكىمەتى  ەكس پرەزيدەنتتىڭ قۇربىسى سوي سۋن ءسيلدى  باس بوستاندىعىنان ايىردى. بۇل تۋرالى قامشى اقپاراتتىق اگەنتتىگى رامبلەر اقپاراتتىق سايتىنىڭ مالىمەتىنە سۇيەنە وتىرىپ حابارلايدى.

سەۋل ورتالىق سوتى وڭتۇستىك كورەيانىڭ بۇرىنعى پرەزيدەنتى پاك كىن چەنىڭ قۇربىسى سوي سۋن ءسيلدى  3 جىلعا تۇرمەگە توعىتۋ تۋرالى شەشىم قابىلدادى. ەستەرىڭىزگە سالا كەتەيىك  كورەيانىڭ ءىرى فيگۋرانتىنا  كوررۋپسيالىق جولمەن قىزىنىڭ باس پايداسى ءۇشىن زاڭسىز ارەكەتتەرگە باردى دەگەن ايىپ تاعىلعان بولاتىن.

بۇل سوي سۋن سيلگە تاعىلعان 13 شاعىمنىڭ  بىرەۋىنە تاعايىنالعان جازا.  سوت  ەكس پرەزيدەنتتىڭ قۇربىسىنا ءوز بيلىگىن اسىرا پايدالانا وتىرىپ قىزىن كورەيانىڭ ەڭ مىقتى ۋنييەۆەرسيتەتىنە تۇسىرگەنىن العا تارتىپ وتىر. سونداي-اق ءىرى فيگۋرانتتىڭ ەركەتوتايى ەشقانداي  ەمتيحان، بايانداما، تاپسىرمالارسىز-اق، ساباققا قاتىسپاي  جوعارى باعا الىپ وتىرعان كورىنەدى.

سونداي-اق سوي سۋن سيلگە تاعىلعان 13 ايىپتىڭ قاتارىندا  كورەيانىڭ ءىرى كومپانيالارىنان 70 مىڭ دولللارعا دەيىن پارا العاندىعى، پرەزيدەنت قۇربىسىنا ارقا سۇيەي وتىرىپ مەملەكەت ىسىنە قاتىستى شارالارداعى زاڭسىز ارەكەتتەرى انىقتالىپ وتىر.

ازىرگە وڭتۇستىك كورەيا ۇكىمەتى سوي سۋن ءسيلدى  ءۇش جىلعا باس بوستاندىعىنان ايىردى. دەسە دە ايىپكەردىڭ ءالى قارالماعان 12  شاعىمى سوت جازاسىنىڭ مەرزىمىن ۇلعايتۋى مۇمكىن. 

شولۋشى: اقەركە مارات قىزى