كانادانىڭ ەليتالىق بولىمشەسىنىڭ سنايپەرى يراكتا دايش تەرروريستىك ۇيىمىنىڭ جاۋىنگەرىن سيەرك كەزدەسەتىن اتىس تۇرىمەن ءولىتردى، دەپ جازادى قامشى اقپاراتتىق اگەنتتىگى. 2،14 ميل (3،44 كيلومەتر) قاشىقتىقتا ورىندالعان اتىس تاريح بەتىنە «ەڭ ۇزاق قاشىقتىقتاعى اتىس» رەتىندە ەندى. بۇل جايىندا جەرگىلىكتى ب ا ق حابارلايدى.

ەسىمى اتالماعان جاۋىنگەر اتالمىش ءادىسى ارقىلى الەمدىك رەكورد جاڭارتتى. مۇنىڭ الدىندا ەڭ ۇزاق قاشىقتىقتا اتۋ جونىنەن رەكورد جاساعان مەرگەن كرەيگ حارريسون بولعان. ول 2009 «تاليبان» جاۋىنگەرىن Lapua Magnum مىلتىعىمەن 2،47 كم قاشىقتىقتا جايراتىپ سالعان.

ال بۇل جولعى اتىس McMillan TAC-50 مىلتىعىمەن ورىندالدى. سونداي-اق، وق كوزدەگەن ادامىنا جەتۋ ءۇشىن 10 سەكۋند ۋاقىت ۇشقان.

كانادا قارۋلى كۇشتەرىنىڭ وكىلى مۇنى «تاڭعاجايىپ اتىسقا» بالاپ، جاۋىنگەردىڭ ءولىمىن ۆيدەو ارقىلى دالەلدەدى.

رەكورد جاڭارتقان مەرگەن ارنايى JTF2 اسكەري بولىمىندە قىزمەت اتقارادى. بۇل بولىمشە كوبىنە تەرروريستىك وپەراسيالاردى ورىنداۋ ماقساتىندا جۇمىس جاسايدى.

شولۋشى: گۇلىم جاقان