حوكينگ ادامزات بالاسىنا تونەر ءقاۋىپتىڭ شەتىن كورسەتتى.  عالىمنىڭ ايتۋى بويىنشا جەرگىلىكتى تۇرعىندار  الداعى ون جىلدىڭ ىشىندە مارس نەمەسە ايعا قونىس اۋدارماسا قۇردىمعا كەتۋى مۇمكىن. بۇل تارالى قامشى اقپاراتتىق اگەنتتىگى سەگودنيا اقپاراتتىق سايتىنىڭ مالىمەتىنە سۇيەنە وتىرىپ حابارلايدى.

بريتاندىق  استروفيزيك  ستيۆەن حوكينگ  ادامزات بالاسى جەردەن قونىس تەپپەسە، ۇلكەن قاتەر ءتونىپ تۇرعانىن  مالىمدەدى. بۇل تۋرالى  استروفيزيك نورۆەگيادا وتكەن Starmus IV حالىقارالىق  عىلىمي كونفەرەنسيادا باياندادى.

ادامزاتتىڭ قۇرىپ كەتۋ ءقاۋپى ۋاقىت ەنشىسىندە. عالىمنىڭ پايىمداۋىنشا جەر شارىنا تونەتىن زۇلماتتىڭ سەبەپشىسى اسپاننان استەرويدتاردىڭ قۇلاۋى  نەمەسە  اۋا-رايىنىڭ  كۇرت وزگەرۋى، تابيعات كليماتىنىڭ بۇزىلۋى بولۋى مۇمكىن.

 «مەن ادامدار تەزدەتىپ جەردەن قونىس اۋدارۋى ءتيىس دەپ ەسەپتەيمىن. سەبەبى جەر شارىندا ادامزات بالاسىنىڭ سانى تىم كوپ، سىيماي بارامىز. ال تابيعي رەسۋرستاردىڭ سارقىلۋى  ءقاۋپى باسىم» - دەدى وزىنە سەنىمدى استروفيزيك.

سونداي-اق ايعا قونىس اۋدارۋدان الدىن، اۋەلى وسىمدىكتەر مەن جارۋارلاردى سىناپ كورۋدى ۇسىنا وتىرىپ، بۇل پروسەستى 30-50 جىلدىڭ ىشىندە   قولعا الۋ كەرەكتىگىن اتاپ ءوتتى. 

شولۋشى: اقەركە مارات قىزى