2،5 مىڭنان استام ادام سولتۇستىك  كورەيا تۇرمەسىنەدە ازاپ شەككەن وتتو ءۋورمبيردىڭ  جەرلەۋ راسىمىنە قاتىستى. بۇل تۋرالى قامشى اقپاراتتىق اگەنتتىگى ريا نوۆوستي اقپاراتتىق سايتىنىڭ مالىمەتىنە سۇيەنە وتىرىپ حابارلايدى.

ەسەرىڭىزگە سالا كەتەيىك،  سولتۇستىك كورەيانىڭ تۇرمەسىندە قاتاڭ ءتارتىپتىڭ سالدارىنان ابدەن ازاپ شەككەن، امەريكالىق ستۋدەنت ءوز ەلىنە كەلىپ كوز جۇمعان بولاتىن.

جەرلەۋ ءراسىمى وگايو شتاتىنىڭ  ۆايومينگ قالاسىندا ءوتتى. قوشتاسۋ ءراسىمى 22 جاسار جىگىتتىڭ قىزىقتى بالالىق شاعى  وتكەن مەكتەبىندە ۇيىمداستىرىلدى. بۇقارالىق اقپارات قۇرالدارىنىڭ حابارلاۋىنشا ينە شانشار جەر بولماعان كورىنەدى.

وتتو ءۋورمبيردى سوڭعى ساپارعا شىعارىپ سالۋعا كەلگەن ادامداردىڭ كوپتىگى سونشا مەكتەپ ىشىنە سىيماعان جۇرت مەتەپ اۋلاسىندا ورناتىلعان  ارنايى مونيتور ارقىلى  باقىلاعان. سونداي-اق قالادا كولىك كەپتەلىسى ورىن العان.

كورەيا ۇكىمەتىنىڭ قاتاڭ تارتىبىنە نارازى بولعان جۇرت  اۋىر قايعىمەن وتتتو ءۋورمبيردى ماڭگىلىك ساپارعا ساپ تۇزەپ شىعارىپ سالدى. 

شولۋشى: اقەركە مارات قىزى