ەسكە سالاتىن بولساق، 23 مامىر كۇنى جوعارعى سوت جامالييەۆكە بايلانىستى شىعارىلعان سوت شەشىمىن وزگەرتتى. قىلمىس جازاسى 2 ەسەگە قىسقاردى. وسىعان بايلانىستى قوعام مۇشەلەرىندە ءتۇرلى ساۋالدار كوبەيىپ كەتتى. بۇل ساۋالدارعا ق ر باس پروكۋراتۋراسى باس پروكۋرورىنىڭ كومەكشىسى دۋمان قوجاحمەتوۆ جاۋاپ بەردى دەپ مالىمدەيدى قامشى اقپاراتتىق اگەنتتىگى.

باس پروكۋرور كومەكشىسى اۋىر قىلمىس جاساپ، 13 جىلعا باس بوستاندىعىنان ايىرىلعان كاسىپكەردىڭ ءىسى قايتا قارالعانىن مالىمدەدى. ناتيجەسىندە ءدال وسى باپ ەرەجەسى بويىنشا 10-7 جىلعا قىسقارتۋ ماسەلەسى تالقىلانىپ، 7 جىلعا قىسقارتىلدى.

سوتتالۋشىلار ا. ابىلتايەۆ جانە ا. پريبىتكوۆتىڭ جازالاۋ مەرزىمى دە ءدال وسى ەرەجە بويىنشا 8 جىلدان 5 جىلعا قىسقارتىلدى.

«سوت پروسەسسى كەزىندە باسقا شەشىمدەر وزگەرىسسىز قالدى. انىعىنا كەلگەندە، ق. جامالييەۆتىڭ قورعاۋشىسى جازالانۋشىنىڭ جازاسىن جەڭىلدەتۋ تۋرالى ءوتىنىش جازدى. كورىپ تۇرعاندارىڭىزداي، ەشكىم اقتالىپ شىققان جوق» - دەپ جاۋاپ بەردى قوجاحمەتوۆ.

ول ودان ءارى بۇل قىلمىستىڭ نەلىكتەن اۋىر بولىپ سانالعانىنا تۇسىنىكتەمە بەرەدى.

ناتيجەسىندە باس پروكۋرور جامالييەۆتىڭ ءىسىن وزگەرىسسىز قالدىرىپ، ءىستى جابۋ تۋرالى ۇكىم شىعاردى جانە بۇل ماسەلە بويىنشا كۇدىك كەلتىرمەۋ كەرەكتىگىن ەسكەرتتى.

46 جاستاعى كاسىپكەر قايرات جۇمالييەۆ ءالىبي جۇماعۇلوۆتى جابىرلەگەنى ءۇشىن قىلمىستىق كودەكستىڭ ءۇش بابى بويىنشا 13 جىلعا سوتتالعان بولاتىن.

                                                                                                                                                               شولۋشى ورازحان اقتولقىن