استاناداعى تاۋەلسىزدىك سارايىندا مەملەكەت باسشىسى نۇرسۇلتان نازاربايەۆتىڭ قاتىسۋىمەن بەسىنشى دۇنيەجۇزى قازاقتارىنىڭ قۇرىلتايىنىڭ اشىلۋ سالتاناتى ءوتىپ جاتىر. بۇل تۋرالى قامشى اقپاراتتىق اگەنتتىگى  قازاقپارات مالىمەتىنە سۇيەنىپ حابارلايدى.

قۇرىلتاي باعدارلاماسىنىڭ نەگىزى ق ر پرەزيدەنتى، ەلباسى نۇرسۇلتان نازاربايەۆتىڭ "بولاشاققا باعدار: رۋحاني جاڭعىرۋ" اتتى باعدارلامالىق ماقالاسىندا ايتىلعان تۇجىرىمدامالىق يدەيالارىنا قۇرىلعان. دۇنيەجۇزى قازاقتارىنىڭ قۇرىلتايى ەلىمىزدىڭ قوعامدىق-ساياسي ومىرىندەگى ماڭىزدى وقيعا بولىپ سانالادى. ول 1992-2017 جىلدار ارالىعىندا وتكەن بەس قۇرىلتايدىڭ ءوزارا ساباقتاستىعىنىڭ بار ەكەندىگىن كورسەتەدى جانە تاۋەلسىزدىك كەزەڭدەرىندە قازاقستان رەسپۋبليكاسىنىڭ ايتۋلى تابىستارعا، سونىڭ ىشىندە ەتنيكالىق كوشى-قون ساياساتىنىڭ جەتىستىكتەرىنە قول جەتكىزگەندىگىن پاش ەتەدى.

ايتا كەتسەك، يىل 22-25 ماۋسىم ارالىعىندا استانادا حالىقارالىق ەكسپو-2017 كورمەسى اياسىندا نۇرسۇلتان نازاربايەۆتىڭ قاتىسۋىمەن دۇنيەجۇزى قازاقتارىنىڭ V قۇرىلتايى وتەدىنى جانە قۇرىلتايعا قاتىسۋشى قوناقتار مەن دەلەگاتتاردىڭ انىقتالعانى حابارلانعان بولاتىن.

قۇرىلتايعا الەمنىڭ 39 ەلىنەن 800-دەن استام دەلەگاتتار مەن قوناقتار قاتىسىپ جاتىر. ولاردىڭ اراسىندا شىعارماشىلىق، عىلىم، پەداگوگيكا، بيزنەس، سپورت سالاسىنىڭ وكىلدەرى، مەملەكەتتىك جانە قوعامدىق ۇيىمدار، ب ا ق وكىلدەرى بار. جالپى العاندا 80 پايىز دەلەگات پەن قوناق قۇرىلتايعا تۇڭعىش رەت قاتىسۋدا. ماسەلە، جاپونيا، كورەيا، يتاليا، چەرنوگوريا، پولشا، ازەربايجان، مولدوۆا ەلدەرىنەن قوناقتار مۇنداي شاراعا العاش رەت كەلىپ وتىر.

قۇرىلتايعا قاتىسۋشىلاردىڭ 60 پايىزى 35-كە دەيىنگى جاستار. شەتەلدىك دەلەگاتتار اراسىندا – مولدوۆا پارلامەنتىنىڭ دەپۋتاتى، ساياساتكەر بوگدان سىرديا، تومسك وبلىسى گۋبەرناتورىنىڭ الەۋمەتتىك ساياسات جونىندەگى ورىنباسارى شىڭعىس اقاتايەۆ، التاي رەسپۋبليكاسى تۋراتين اۋدانىنىڭ باسشىسى امانجول ساحاريانوۆ، ومسك وبلىسىنىڭ زاڭدىق جينالىس دەپۋتاتى نۇرلان قارتبايەۆ، ورەنبۋرگ وبلىستىق قالالىق كەڭەسىنىڭ دەپۋتاتى قۇرمامباي قۇماقبايەۆ، سانكت-پەتەربۋرگتەگى وڭىرلىك ەكونوميكا جانە قۇقىق ينستيتۋتىنىڭ رەكتورى ەرلان ىسقاقوۆ سىندى جانە باسقا دا تۇلعالار قاتىسۋدا.

ەسكە سالايىق، قۇرىلتاي اياسىندا ۇلتتىق اكادەميالىق كىتاپحانادا “حاليفا التاي جانە ورالعان تاريح” اتتى عىلىمي-تاجىريبەلىك كونفەرەنسيا وتكىزىلەدى. قۇرىلتايعا كەلگەن شەتەلدىك دەلەگاتتار ءۇشىن ءدىن ىستەرى جانە ازاماتتىق قوعام، ءبىلىم جانە عىلىم، اقپارات جانە كوممۋنيكاسيا، مادەنيەت جانە سپورت، دەنساۋلىق ساقتاۋ مينيسترلىكتەرى ارنايى دوڭگەلەك ۇستەلدەر ۇيىمداستىرادى.

دەلەگاتتار مەن قوناقتار “ەكسپو-2017” حالىقارالىق كورمەسىمەن دە تانىسىپ، “استانا وپەرا” وپەرا جانە بالەت تەاترى مەن ەتنواۋىلعا دا بارادى.

شولۋشى: ايگەرىم تاۋباي