رەسەيدەگى قىرعىزستان ەلشىلىگى ءوز ەلىنىڭ ەكى ازاماتىنىڭ ءولىمىن راستادى، دەپ حابارلايدى قامشى اقپاراتتىق اگەنتتىگى daylynews.ru مالىمەتىنە سۇيەنىپ. قىرعىزستاننىڭ ەكى ازاماتى ماسكەۋدە كاناليزاسيا كوللەكتورىمەن جۇرگىزىلگەن جۇمىس بارىسىندا كوز جۇمدى. ەلشىلىكتىڭ حابارلاۋى بويىنشا، ەكى قىزمەتكەر قىرعىزستان ازاماتى ەكەنى راستالدى. سونىمەن قاتار قايتىس بولعاندار قاتارىندا ۋكراينانىڭ ەكى ازاماتى مەن رەسەيدىڭ ءبىر تۇرعىنى بار. جۇما كۇنى مايىتتەردى تانۋ جۇمىستارى جۇرگىزىلمەك.
ايتا كەتسەك، كەشە، 22 ماۋسىم كۇنى ماسكەۋ قالاسى بوجەنكو كوشەسىندە №4 ءۇيدىڭ ماڭىندا 5 جۇمىسشى جان تاپسىردى. ال ءولىمنىڭ سەبەبى، مەتانعا ۋلانۋ دەپ حابارلاندى.
شولۋشى: ايگەرىم تاۋباي
