رەسەيدىڭ جارىق جۇلدىزى جاسمين اتاقتى بيزنەسمەن يلان شورمەن تۇرمىس قۇرعانىنا التى جىلدان استى. الايدى ءانشىنىڭ باقىتقا تولى ءومىرى وسىمەن توقتادى.
سەبەبى، ءجاسميننىڭ جولداسى يلان 7،5 جىلعا باس بوستاندىعىنان ايىرىلدى. ءىرى كاسىپكەر الاياقتىق جولمەن اقشا تاپقان. كيشين قالالىق سوت باسقارماسى مولداۆا بانكتەرنىڭ ءبىرىن توناۋعا قاتىسى بار دەگەن ايىپ تاعىپ وتىر. تەكسەرۋ جۇمىستارىنىڭ ناتيجەسى بويىنشا شەكارادان ءبىر مەزەتتە 700 ميلليون دوللاردان استام اقشا الىپ وتكەندىگى دالەلدەنىپ وتىر.
يلان شور ءبىراز ۋاقىت Bاncا de Economii بانكىنىڭ ديرەكتورلار كەڭەسىنىڭ ءتوراعاسى، سونداي-اق Banca Sociala جانە Unibank بانكتەرىنىڭ ءىرى اكسيونەرلەرىنىڭ ءبىرى بولعان.
ەستەرىڭىزگە سالا كەتەيىك، ءجاسميننىڭ جۇبايى يلان مولداۆاداعى اتاقتى بيزمەندەردىڭ ءبىرى سانالادى. ءىرى ساۋدا ورتالىقتارى مەن كومپانيالارىن ەسەپكە الماعاندا Air Klassika Executive اۋە كومپانياسىنىڭ، بىرنەشە تەلەارنالار مەن "ميلسامي" فۋتبول-كلۋبىنىڭ باسشىسى.
شولۋشى: اقەركە مارات قىزى
