چەحيا مەملەكەتى ءتول ۆاليۋتاسىن اۋىستىرۋعا دايىن. بۇل تۋرالى قامشى اقپاراتتىق اگەنتتىگى سەگودنيا اقپاراتتىق سايتىنىڭ مالىمەتىنە سۇيەنە وتىرىپ حابارلايدى.

چەحيا ۇكىمەتى ۇلتتىق ۆاليۋتاسىنىڭ ورنىنا ەۆرونى ءبىرىڭعاي قولدانىسقا ەنگىزۋگە دايىن ەكەندىگىن حابارلادى.  بۇل اقپاراتتى چەحيا ۇلتتىق بانكىنىڭ ءتوراعاسى ييرجي رۋسنوك مالىمدەدى. الايدا جەرگىلىكتى ستك اگەنتتىگىنە بەرگەن سۇحباتىندا   ەۆرونى اينالىمعا ەنبىزبەي تۇرىپ  ەۆروپالىقتار مەن چەح تۇرعىندارىنىڭ ورتاشا شىعىس ەسەبىن انىقتاپ  الۋ قاجەتتىگىن  اتاپ ءوتتى.

وسىعان دەيىن چەح ۇكىمەتى  ءتول ۆاليۋتاسىن  ەۆروعا الماستىراتىنىن مالىمدەگەنىمەن ناقتى ۋاقىتىن  اتاپ ايتپاعان  بولاتىن.  قارجى مينيسترلىگىنىڭ ايتۋى بويىنشا ەل ىشىندە ەۆرونى قولدانۋ مولشەرى 60 %-دى قۇراپ وتىر.  وسىدان جيىرما جىل بۇرىن بۇل كورسەتكىش 35% شاماسىندا عانا بولعان.

چەح تۇرعىندارىنىڭ  جىلدىق ورتاشا جالاقىسى  2014 جىلعى ستاتيستيكا بويىنشا 345 تىس. كرون بولسا، جوعارى جالاقى   930 تىس. كروندى كورسەتكەن. ۇلتتىق بانك باسقارماسىنىڭ ستاتيستيكالىق اقپاراتتارىنا جۇگىنسەك 2016 جىلى بۇل كورسەتكىش 2،5 %-عا كوتەرىلگەن.

چەح تۇرعىندارىنىڭ  ۇشتەن ءبىر بولىگى ورتاشا جىلدىق جالاقىمەن ءومىر سۇرەتىندىگىن العا تارتقان قارجىگەرلەر  ۆاليۋتانى ەۆروعا ايىرباستاۋ  ەل تۇرعىندارىنا قيىنشىلىق تۋعىزبايتىنىن  مالىمدەدى.  

شولۋشى: اقەركە  مارات قىزى