دونالد ترامپتىڭ  كەڭەسشىلەرى وعان رەسەي تۋرالى ماسەلەلەردى كوپ قوزعاماۋعا ۇسىنىس جاساپ وتىر. بۇل تۋرالى قامشى اقپاراتتىق اگەنتتىگى ريا نوۆوستي-عا سىلتەمە جاساپ حابارلايدى. مالىمەتتەرگە سۇيەنسەك، ترامپ كەڭەسشىلەرى ءوز دەگەنىنە تولىقتاي جەتە قويماسا دا، جارتىلاي بولسا دا ترامپتى اڭداپ سويلەۋگە كوندىرگەن. ماسەلەن، ايوۆادا بولعان كەزدەسۋدە ول مۇلدەم رەسەي تۋرالى ءسوز قوزعاماعان.  الايدا ەرتەسىندە-اق ول ءوزىنىڭ تۆيتتەردەگى پاراقشاسىنا:

-ايتپاقشى، رەسەي 2016 جىلعى پرەزيدەنتتىك سايلاۋعا وتە بەلسەندى قاتىسىپ ەدى. سول كەزدە بيلىكتە بولعان وباما نەلىكتەن ولارعا توقتاۋ قويماعان؟-دەپ جازعان.

شەتەلدىك ارنالاردىڭ مالىمەتىنشە، ترامپ كەڭەسشىلەرى ونى رەسەي تاقىرىبىنداعى پولەميكاعا قاتىسپاۋىن وتىنگەن. ال سول ارالىقتا اقش كونگرەسىندە وسى جىلعى پرەزيدەنتتىك سايلاۋعا رەسەيدىڭ قاتىسىن انىقتاۋ جۇرگىزىلىپ جاتىر.

شولۋشى: نازەركە مۇسا