جەڭىل اتلەتيكادان ءداستۇرلى حالىقارالىق عۇسمان قوسانوۆ مەموريالى 24-25 ماۋسىم كۇنى الماتىدا وتەدى. مارتەبەلى بۇل جارىستى جەڭىل اتلەتيكا فەدەراسياسى وسىمەن 27ء-شى رەت ۇيىمداستىرعالى وتىر. عۇسمان قوسانوۆ مەموريالىنا قاتىسۋعا 11 مەملەكەتتىڭ سپورتشىلارى ءوز كەلىسىمدەرىن بەردى.

الماتىدا ءۇندىستان، يران، باحرەين، سيريا، مالايزيا، اۋعانستان، تۇركىمەنستان، وزبەكستان، تاجىكستان جانە ءوزىمىزدىڭ قازاقستاننىڭ اتلەتتەرى ونەر كورسەتەدى. جالپى، 200-دەن استام سپورتشى سايىسقا دەپ كۇتىلۋدە. ولاردىڭ اراسىندا بىلتىرعى جىلى بيىكتىككە سەكىرۋ بويىنشا ازياداعى ۇزدىك ناتيجەلەردىڭ ءبىرىن كورسەتكەن مادجەد گازال (سيريا)، جەلاياقتار رەزا حاسەمي (يران) مەن ياكۋب سالەم (باحرەين)، ۇزىندىققا سەكىرۋشى انكيت شارما (ءۇندىستان) ت.ب بەلگىلى سپورتشىلار بار.

جالپى، مەموريالدا قاتىسۋشىلار 30 جەكەلەگەن سايىس بويىنشا سىنعا تۇسەدى (15ء-ى ەرلەر، 15ء-ى ايەلدەر اراسىندا). ۇيىمداستىرۋشىلار ءداستۇرلى تۇردە 100 مەترگە جۇگىرگەندەردىڭ ىشىندە ۇزدىك شىققان اتلەتكە ارنايى سىيلىق تاعايىنداپ وتىر (عۇسمان قوسانوۆ – ءدال وسى قاشىقتا وليمپيادا جۇلدەسىن ەنشىلەگەن العاشقى قازاق اتلەتى)، ال دەمەۋشىلەردىڭ جۇلدەسى كورەرمەندەر اراسىندا ويناتىلادى.عۇسمان سىيتىق ۇلى قوسانوۆ 1935 جىلى 25 مامىردا شىعىس قازاقستان وبلىسى، بەسقاراعاي اۋدانى، يزاتۋللا اۋىلىندا دۇنيەگە كەلگەن. وليمپيادا ويىندارىنا تۇڭعىش قاتىسقان جانە وليمپيادا جۇلدەسiن تۇڭعىش جەڭiپ العان قازاق اتلەتى. 1960 جىلى ريم وليمپياداسىندا كۇمىس مەدالعا بولدى. ەۋروپا چەمپيونى، كسرو چەمپيوناتىنىڭ كۇمiس جۇلدەگەرi، قازاقستاننىڭ بiرنەشە دۇركiن چەمپيونى، كسرو حالىقتارى سپارتاكياداسىنىڭ جەڭiمپازى. جەڭىل اتلەتيكادان قازاق جاستارى اراسىنان شىققان تۇڭعىش سپورت شەبەرى. ونىڭ قۇرمەتىنە وتكىزىلىپ جۇرگەن حالىقارالىق مەموريال 1991 جىلى باستالدى. ال 2000 جىلى مەموريالدىڭ 10 جىلدىق مەرەيتويىنا بايلانىستى ارنايى پوچتا ماركاسى شىقتى.