«تەگىن مەديسينالىق كومەكتىڭ كەپىلدى كولەمى اياسىندا حالىقتى دارىلىك زاتتارمەن قامتاماسىز ەتۋ جانە قازاقستان رەسپۋبليكاسىنداعى فارماسيەۆتيكالىق سالانىڭ جاعدايى مەن دامۋى تۋرالى» پارلامەنتتىك تىڭدالىمنىڭ ۇسىنىمدارى اياسىندا 2017 جىلدىڭ 23 ماۋسىمىندا ساعات 11:00-دە الماتى قالاسىندا تۇلكىباس ك.، 4ا مەكەنجايىندا ورنالاسقان «ا» ساناتىنا جاتاتىن جاڭا قويما كەشەنىنىڭ رەسمي اشىلۋ سالتاناتى ءوتتى دەپ حابارلايدى قامشى اقپاراتتىق اگەنتتىگى. ءىس-شاراعا ق ر دەنساۋلىق ساقتاۋ مينيسترلىگىنىڭ ءبىرىنشى ۆيسە-مينيسترى سوي ا.ۆ.، «مەدسەرۆيس پليۋس» قفك باسقارما ءتوراعاسى وماروۆ ج.ك.، ق ر پارلامەنت ءماجىلىسىنىڭ دەپۋتاتى امانجولوۆا ز.د.، شەتەلدىك وندىرۋشىلەر قاۋىمداستىعىنىڭ پرەزيدەنتى لوكشين ۆ.ن.، ەۋروپا قايتا قۇرۋ جانە دامۋ بانكى ديرەكتورىنىڭ ورىنباسارى نامازبايەۆ ا. جانە ت.ب. لاۋازىمدى تۇلعالار قاتىستى.

دارىلىك زاتتاردى، مەديسينالىق ماقساتتاعى بۇيىمدار مەن مەديسينالىق تەحنيكانى قابىلداۋ، ساقتاۋ جانە بوساتۋعا مامانداندىرىلعان بۇل زاماناۋي فارماسيەۆتيكالىق قويما گەرمانيادا شىعارىلعان زاماناۋي جابدىقپەن جانە قويما تەحنيكاسىمەن GDP (ءتيىستى ديستريبيۋتورلىق تاجىريبە) ستاندارتتارىنا سايكەس جابدىقتالعان. كەشەن الماتى قالاسىن جانە وبلىس تۇرعىندارىن ءقاۋىپسىز ءارى ساپالى  دارىلىك زاتتارمەن، مەديسينالىق ماقساتتاعى بۇيىمدارمەن جانە مەديسينالىق تەحنيكامەن قامتاماسىز ەتۋگە مۇمكىندىك بەرمەك.

تاۋارلاردى 7 دەڭگەيلى بيىك ستەللاج تۇرىندەگى پالەتالاردا ساقتايتىن (22 مەترگە دەيىن جەتەدى) «ا» ساناتىنا جاتاتىن بۇل فارماسيەۆتيكالىق كەشەن قويمانىڭ پايدالى اۋدانىن بارىنشا وڭتايلى تۇردە قولدانۋعا مۇمكىندىك بەرەدى. قويمانىڭ جالپى اۋدانى 6 282 شارشى مەتردى قۇرايدى. قويمادا 6 500 پاللەتا-ورىن جانە سورەدە ساقتاۋعا ارنالعان 7 000 ورىن (سونىڭ ىشىندە 5 600 ورىن جانە تەمپەراتۋرا رەجيمىن ساقتايتىن 1 400 ورىن) بار.

كەشەن ورتالىق كولىك جولى جانىندا ورنالاسقان. ىشىندەگى بولمەجايلارىنىڭ جالپى اۋدانى 8 778 م2 قۇرايتىن قويما ءارتۇرلى ايماقتارعا بولىنگەن. ءونىمدى ساقتايتىن ايماقتاردا تەمپەراتۋرا رەجيمىن رەتتەۋگە بولادى. قويمانىڭ ىشىندەگى جاعداي دارىلىك زاتتار، مەديسينالىق ماقساتتاعى بۇيىمدار مەن مەديسينالىق تەحنيكانى ساقتاۋعا قويىلاتىن حالىقارالىق ستاندارتتاردىڭ ەڭ جوعارعى تالاپتارىنا جاۋاپ بەرەدى. جاڭا قويما بولمە تەمپەراتۋراسىندا (+15-+25 س°) ساقتايتىن، ارنايى تەمپەراتۋرادا ساقتاۋعا (+2…+8 س°) ارنالعان جانە + 8…+15 س تەمپەراتۋرا رەجيمىندە ساقتاۋعا مۇمكىندىك بەرەتىن ايماقتارمەن جابدىقتالعان.

دارىلىك زاتتاردى ساقتاۋ كەزىندە ناقتى ءبىر شارتتار تالاپ ەتىلەتىندىكتەن، دارى-دارمەك ەرەكشە تاۋار توبىنا جاتادى. پرەپاراتتاردىڭ تيىمدىلىگى مەن قاۋىپسىزدىگى وسى شارتتاردىڭ قانشالىقتى مۇقيات ءارى مۇلتىكسىز ساقتالاتىنىمەن بايلانىستى، دەمەك دارى-دارمەكپەن ەمدەۋ ناتيجەسى دە وسىعان سوعۇرلىم تاۋەلدى بولادى.

«مەدسەرۆيس پليۋس» كومپانياسى الماتى قالاسى مەن وبلىسىنداعى كليەنتتەرگە قىزمەت كورسەتەتىن قوسىمشا الاڭ رەتىندە ءوزىنىڭ زاماناۋي اۆتوماتتاندىرىلعان فارماسيەۆتيكالىق قويماسىن اشۋ ارقاسىندا ەڭ جوعارى دەڭگەيدە لوگيستيكالىق قىزمەتتى كورسەتىپ، نارىقتا باسەكەلى ارتىقشىلىقتارعا يە بولۋعا مۇمكىندىك الىپ وتىر. SAP EWM جۇيەسىنىڭ (گەرمانيا) باسقارۋىمەن جۇمىس جاسايتىن اۆتوماتتاندىرىلعان SSI SCHAEFER كونۆەيەرلىك جەلىسىنىڭ (اۆستريا) ارقاسىندا تاۋارلار بازاعا اۆتوماتتى تۇردە ەنگىزىلىپ، قويمالار مەن قويما ىشىندەگى وپەراسيالاردى، سونىڭ ىشىندە تاۋاردى قابىلداۋ جانە جونەلتۋ كەستەسىن قۇرۋدى، سايكەستىلىكتى اۆتوماتتى تۇردە تاڭبالايتىن وپەراسيالاردى، ىلەسپە قۇجاتتاردى دايىنداۋدى جىلدام باسقارىپ، سان الۋان ستراتەگيالاردى باپتاۋعا بولادى. بۇل قويما ىشىندەگى وپەراسيالاردىڭ اتقارىلۋ دەڭگەيى مەن شاپشاڭدىعىن ايتارلىقتاي ارتتىرادى. جاڭا كەشەن «مەدسەرۆيس پليۋس» قفك-نىڭ ونىمدەردى ساقتاۋ،  تاۋار قورىن وڭتايلى كولەمدە قامتاماسىز ەتۋمەن بايلانىستى قاجەتتىلىكتەرىن تولىعىمەن قاناعاتتاندىرماق. قويمانىڭ كونفيگۋراسياسى تاۋار قورىن يكەمدى تۇردە باسقارىپ، نارىقتىڭ ءوسىپ كەلە جاتقان قاجەتتىلىكتەرىنە جاۋاپ بەرۋگە مۇمكىندىك بەرەدى. «مەدسەرۆيس پليۋس» جول كارتاسىنا سايكەس قر-داعى بارلىق فيليالدارىن GDP ستاندارتتارىنا بىرتىندەپ كوشىرۋدە.

زاماناۋي لوگيستيكالىق ورتالىقتىڭ اشىلۋى ارقاسىندا جاڭا 70 جۇمىس ورنى قۇرىلدى. كومپانيانىڭ اسا ماڭىزدى ماقساتتارىنىڭ ءبىرى حالىقتى جۇمىسپەن قامتۋعا، سونداي-اق، قازاقستاندىقتاردىڭ ءال-اۋقاتىن كوتەرۋگە ۇلەس قوسۋعا باعىتتالعان.

GDP ستاندارتى جونىندە

 «ءتيىستى ديستريبيۋتورلىق تاجىريبە» ستاندارتى (Good Distribution Practice - GDP) دارىلىك زاتتاردى كوتەرمە باعادا وتكىزۋ ءۇردىسىن ۇيىمداستىرۋعا ارناپ ءتيىستى تاسىلدەمەنى بەلگىلەيدى. بۇل ستاندارت دارى-دارمەك ءوندىرىسشىنىڭ كاسىپورنىنان شىققان ساتتەن باستاپ، بولشەكتەپ ساتاتىن ءدارىحانالارعا جانە مەديسينالىق مەكەمەلەرگە جەتكىزۋگە دەيىنگى كەزەڭدە پرەپاراتتاردىڭ ساپاسى مەن تيىمدىلىگىن ساقتاۋدى كوزدەيدى. ستاندارت ەۋرووداق جانە دۇنيەجۇزىلىك دەنساۋلىق ساقتاۋ ۇيىمى قابىلداعان ءتيىستى ديستريبيۋتورلىق تاجىريبە قاعيدالارىنا نەگىزدەلگەن.