وڭتۇستىك قازاقستان وبلىسىندا ءوزىنىڭ 4 جاسار ۇلىن بۋىندىرىپ ولتىرمەك بولعان 24 جاستاعى ايەلگە ۇكىم شىقتى. بۇل تۋرالى قامشى اقپاراتتىق اگەنتتىگى وتىرار جاڭالىقتارىنا سىلتەمە جاساپ حابارلايدى. 

سوتتى بولعان تۇرسىنوۆا بالاسى اۋىر ناۋقاس بولعاندىقتان، ونى ازاپتان قۇتقارعىسى كەلگەنىن ايتىپ اقتالدى. الايدا تەرگەۋ جۇمىستارى ادام شوشىرلىق بۇل جاعدايدىڭ مۇلدەم باسقا سەبەبىن انىقتادى.

اۋدانارالىق قىلمىستىق سوت شىمكەنت تۇرعىنىن ءوز بالاسىن قاساقانا ولتىرۋگە تىرىسقانى ءۇشىن (ول ءىسىن سوڭىنا دەيىن اپارا الماعان) كىنالى دەپ تاپتى. ايەل 11 جىل 3 ايعا تۇرمەگە قاماۋعا وتىرعىزىلدى.

تەرگەۋ بارىسىندا انانىڭ اقىل-ەسى دۇرىس ەكەنى انىقتالدى.

2016 جىلى تۇرسىنويدىڭ 3 جاستاعى ۇلى العاش رەت اۋرۋحاناعا تۇسكەن. سودان  باستاپ اۋرۋحاناعا ءجيى تۇسەتىن بولعان.

«بۇلدىرشىندە يشەميالىق ينسۋلت بولدى، الايدا گەنەزدى انىقتاي المادىق. اناسىنىڭ ايتۋىنشا، تۇنگى ۋاقىتتا ونىڭ تىرىسپاسى ۇستاپ قالاتىن. ونى ەمدەدىك، العاشقىدا جان ساقتاۋ بولىمىندە بولدى، كەيىن بولىمگە اۋىستىردىق. تولىق جازىلعاننان كەيىن ۇيىنە جىبەردىك»، – دەيدى №1 اۋرۋحانانىڭ ءبولىم مەڭگەرۋشىسى مارينا ۆالييەۆا.

الايدا ءبىراز ۋاقىتتان كەيىن مي يشەمياسىنا شالدىققان بالا قايتادان جان ساقتاۋ بولىمىنە تۇسەدى. الايدا دارىگەرلەر ودان ۇستامالى اۋرۋدى بايقاماعان.

بيىلعى جىلدىڭ قاڭتار ايىندا اۋرۋحانادا ادام شوشىرلىق جاعداي ورىن الدى. كورشىلەس پالاتادا جاتقان ناۋقاس تۇرسىنويدى بالاسىن بۋىندىرىپ جاتقان جەرىنەن ۇستاپ العان. ول تۇرسىنويدى يتەرىپ جىبەرىپ، دارىگەرلەر مەن مەبديكەلەردى شاقىرتقان. ال ولار ءوز كەزەگىندە پوليسيا شاقىرعان.

ءتارتىپ ساقشىلارى بەزبۇيرەك انانى بىردەن الىپ كەتتى. ال دارىگەرلەر تاڭعا دەيىن ءبۇلدىرشىننىڭ جانىندا بولعان.

ءبىرىنشى سوت ينستانسياسىنان كەيىن كۇدىكتى جازانى جەڭىلدەتۋ تۋرالى ارىز جازدى. قازىرگى ۋاقىتتا وبلىستىق سوت تاعى ءبىر ساراپتاما تاعايىندادى. سەبەبى ايەلدىڭ اقىل-ەسىنىڭ دۇرىس ەكەنىنە ەشكىم سەنبەيدى.

ايتا كەتەرلىگى، تۇرسىنويدىڭ ەكىنشى پەرزەنتى – قىزى شامامەن جارتى جىل بۇرىن يشەميادان كوز جۇمعان.

شولۋشى: ايگەرىم تاۋباي