اقش پرەزيدەنتى دونالد ترامپ پەن رەسەي فەدەراسياسى باسشىسى ۆلاديمير پۋتين گەرمانيادا وتەتىن G20 سامميتىندە كەزدەسەدى. بۇل تۋرالى قامشى اقپاراتتىق اگەنتتىگى ريا نوۆوستي اقپاراتتىق سايتىنىڭ مالىمەتىنە سۇيەنە وتىرىپ حابارلايدى.

اتالمىش اقپاراتتى جۋرناليستتەرمەن وتكەن بريفينگتە اق ءۇيدىڭ وكىلى شون سپايسەر مالىمدەدى.

ەكى ەل  باسشىلارىنىڭ  G20 ءسامميتى اياسىندا وتەتىن كەزدەسۋى جايىنىدا ايتا وتىرىپ، «ەكى ەل اراسىنداعى  ورتاق ماسەلەنى شەشۋ رەسەي پرەزيدەنتىنىڭ ارەكەتىنە بايلانىستى بولماق»، - دەپ اتاپ ءوتتى شون سپايسەر. سونداي-اق، ۆاشينگتون ماسكەۋمەن مۇمكىندىگىنشە ىنتىماقتاستىقتا بولاتىنىن  مالىمدەدى.

سول كۇنى رەسەي فەدەراسياسىنىڭ باسپا ءسوز حاتشىسى دميتريي پەسكوۆ ەكى ەل باسشىلارى اراسىنداعى كەلىسسوزگە ءالى دايىن ەمەس ەكەندىگىن مالىمدەدى.  پرەزيدەنت كومەكشىسى يۋريي ۋشاكوۆ پۋتين مەن ترامپتىڭ اراسىنداعى كەلىسسوزدەرگە قاتىستى ناقتى اقپارات جوق ەكەندىگىن العا تارتتى.

وسىدان بىرنەشە ۋاقىت بۇرىن ۆلاديمير پۋتين امەريكالىق رەجيسەر وليۆەر ستوۋنعا بەرگەن سۇحباتىندا اقش پرەزيدەنتىمەن كەزدەسۋگە اسىقپايتىنىن ايتىپ وتكەن بولاتىن. «ءبىز كۇندەردىڭ كۇنىندە كەزدەسەنتىندىگىمىز انىق. ءبىراق ازىرگە اسقپايمىز»، - دەپ اتاپ وتكەن بولاتىن.

ەستەرىڭىزگە سالا كەتەيىك، گامبۋرگتە وتەتىن G20 ءسامميتى اعىمداعى جىلدىڭ 7-8 شىلدە كۇندەرى وتەدى. 

شولۋشى: اقەركە مارات قىزى