شىمكەنتتە مۇناي بازاسىندا ءورت بولىپ، ءبىر ادام قازا تاپتى دەپ جازادى otyrar.kz. قايعىلى جاعداي بۇگىن تاڭەرتەڭ ساعات 7 شاماسىندا بولعان. مارقۇم بەنزيننىڭ مولشەرىن انىقتاۋ ءۇشىن سيستەرنانىڭ قاقپاعىن اشقان كەزدە جارىلىس بولعان دەگەن اقپارات بار. جاراقات العان ادام بىردەن وپات بولادى. الدىن الا بولجامداردىڭ بىرىندە قاۋىپسىزدىك تەحنيكاسى ساقتالماعان دەگەن نۇسقا تەكسەرىلۋدە. جارىلىستان كەيىن ءورت شىعىپ، اي-92 ماركالى بەنزيننىڭ مىڭداعان تونناسى جانىپ كەتتى.

بۇل كورىنىستى كۋاگەرلەر ءتۇسىرىپتى. ءورت الدىمەن مۇناي بازاسىنداعى ءۇش جارىم توننالىق رەزەرۋاردان شىققان. بولجام بويىنشا بازادا جۇمىس ىستەپ جۇرگەن ەر ادام قاتتى جارىلىستىڭ سالدارىنان ءورت شىققان سيستەرناعا قۇلاپ، تىرىدەي جانىپ كەتكەن. قىزىل جالىننىڭ قاتتى شارپىعانى مۇناي بازاسى ماڭىنداعى تۇرعىنداردى دا شوشىتىپ جىبەرگەن.

توتەنشە جاعداي قىزمەتكەرلەرى قىزىل جالىندى ارەڭ سوندىرۋدە. وقىس وقيعا كەزىندە 35 تەحنيكامەن مەن 200-گە تارتا قىزمەتكەر جۇمىلدىرىلدى. الايدا، مۇنىمەن ءورتتىڭ بەتى بەرى قايتقان جوق. قىزىل الاۋدى ءوشىرۋ ءۇشىن قوسىمشا ءورت ءسوندىرۋ پويىزى جۇمىلدىرىلعان. بۇل تەحنيكا ارقىلى 100 توننا سۋ مەن 1،5 توننا كوبىك جەتكىزىلدى.

مۇناي بازاسىنداعى ءورتتىڭ شىعۋ سەبەبى ازىرگە بەلگىسىز. قۇزىرلى ورگان وكىلدەرى ارنايى تەكسەرۋ جۇمىستارىن جۇرگىزۋدە. وقيعا ورنىندا 10-عا جۋىق جەدەل جاردەم قىزمەتىنىڭ كولىگى قاس قارايعانعا دەيىن كەزەكشىلىكتە تۇردى. تاڭعى سەگىزدەن باستالعان ءورت توتەنشەلىكتەردى ءبىراز ابىگەرگە ءتۇسىردى. ءتىپتى قۇتقارۋشىلار اۋا رايىنىڭ قولايسىزدىعىنان ون بەس مينۋتقا ءورت ءسوندىرۋ جۇمىستارىن توقتاتقان.

مۇناي بازاسىنداعى ءورتتى قۇتقارۋشىلار ءالى سوندىرۋدە. ءتىپتى سۋ جەتكىزە الماي الەك بولدى. سوندىقتان، توتەنشەلىكتەر بازا ماڭىنداعى ارىق-كانالداردان سۋ الىپ، قىزىل جالىندى سوندىرۋگە كىرىستى.

لاۋرا ناحىپ قىزى