قىتايداعى سىچۋان پروۆينسياسىندا 100-دەن اسا ادام كوشكىننىڭ استىندا قالىپ قويدى، - دەپ حابارلايدى قامشى اقپاراتتىق اگەنتتىگى  ريا نوۆوستي مالىمەتىنە سۇيەنىپ. 

بەلگىلى بولعان مالىمەتتەرگە قاراعاندا، كوشكىنگە توقتاۋسىز جاۋىپ جاتقان جاڭبىر سەبەپ بولعان. بۇل وقيعا سەنبىدە شامامەن تاڭعى ساعات 06.00-دە (استانا ۋاقىتى بويىنشا ساعات 04.00-دە) بولعان. شامامەن 40 ءۇي كوشكىننىڭ استىندا قالعان. 500 ادامنىڭ قاتىسۋىمەن ءوتىپ جاتقان ىزدەستىرۋ-قۇتقارۋ جۇمىستارى ازىرشە ەش ناتيجە بەرگەن جوق.

باستاپقىدا كوشكىننىڭ استىندا 100-دەن اسا ادامنىڭ قالىپ قويعانى حابارلانعان بولاتىن، الايدا كەيىنىرەك جەرگىلىكتى باق-تار ادام سانى 200-گە جەتۋى مۇمكىن ەكەنىن ايتقان ەدى. وقيعا ورنىندا قۇتقارۋشىلار، ءورت سوندىرۋشىلەر، دارىگەرلەر مەن تەحنيكا جۇمىس ىستەپ جاتىر.

شولۋشى: ايگەرىم تاۋباي