سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ استانا قالاسى بويىنشا دەپارتامەنتى  ق ر ينۆەستيسيا جانە دامۋ مينيسترلىگىنىڭ "كاسىبي اسكەريلەندىرىلگەن اۆاريالىق-قۇتقارۋ قىزمەتى" رمك باس ديرەكتورى ب.ش.حالىق 70 مىڭ دوللار كولەمىندە كەزەكتى پارا الۋ ۇستىندە ۇستالدى دەپ حابارلايدى قامشى اقپاراتتىق اگەنتتىگى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باسپا ءسوز قىزمەتىنە سىلتەمە جاساپ.

كۇدىكتى اتقارىلعان جۇمىستار اكتىسىنە قول قويىپ بەرگەنى ءۇشىن مەردىگەر ۇيىمداردان جۇيەلى تۇردە پارا الۋ بويىنشا قىلمىستىق جوسپار قۇرعان.

سونىمەن قاتار، ب.ش.حالىق باس ەسەپشى ك.ت.مەدەبايەۆامەن جانە كاسىپورىننىڭ اتىراۋداعى فيليالىنىڭ جەتەكشىسى ت.ۋ.ماحمۋتوۆپەن بىرگە رمك-نىڭ قاراجاتىن ءىرى كولەمدە جىمقىردى دەگەن كۇدىككە ءىلىنىپ وتىر.

كۇدىكتىنىڭ ءۇيىن ءتىنتۋ كەزىندە 300 مىڭ اقش دوللارى مەن 6 ميلليون تەڭگە تاركىلەنگەن.

ا.ج. 23 مامىردا ب.ش.حالىق ، ك.ت.مەدەبايەۆا جانە ت.ۋ.ماحمۋتوۆ ۇستالىپ ۋاقىتشا ۇستاۋ اباقتىسىنا قامالدى.

سوتقا دەيىنگى تەرگەۋ جۇرگىزىلۋدە.

شولۋشى: اسەم المۇحانبەت