پاكىستانداعى پەندجاب پروۆينسياسىندا اۋدارىلعان بەنزوۆوز جارىلىپ، 149 ادام تىرىدەي جانىپ كەتكەن جانە تاعى 100ء-ى زارداپ شەككەن. كوبى اۋرۋحاناعا اۋىر جاعدايدا تۇسكەن. بۇل تۋرالى قامشى اقپاراتتىق اگەنتتىگى Tengrinews مالىمەتىنە سۇيەنە وتىرىپ حابارلايدى. 

بۇل وقيعا 25 ماۋسىمدا تاڭعى ۋاقىتتا باحاۆالپۋر قالاسىنىڭ تۇبىندە بولدى، - دەپ حابارلايدى GEO TV. بەنزين تاسيتىن كولىك اۋدارىلعاننان كەيىن جەرگىلىكتى تۇرعىندار وقيعا ورنىنا جينالعان. كۋاگەلەردىڭ ايتۋىنشا، كەيبىرى شىلىم شەگىپ تۇرعان، بۇل ءورتتىڭ سەبەبى بولۋى مۇمكىن ەكەن. قازا تاپقانداردىڭ كىم ەكەنى دنق ساراپتاما وتكىزگەننەن كەيىن انىقتالادى. ورتتەن ونداعا كولىك پەن تەحنيكا تۇگى قالماي ورتەنىپ كەتكەن. 

پاكىستان بۇل وقيعانى ۇلتتىق تراگەديا دەپ اتادى. مەملەكەت باسشىلارى قازا تاپقانداردىڭ تۋىستارى مەن ەل باسشىلىعىنا كوڭىل ايتىپ جاتىر. ال وقيعانىڭ سۋرەتتەرى مەن ۆيدەولارى الەۋمەتتىك جەلىلەردە تارالۋ ۇستىندە.

شولۋشى: اقەركە مارات قىزى