قازاقستاندىق كاسىپقوي بوكسشى گەنناديي گولوۆكين (37-0، 33 كو) ءوز جانكۇيەرلەرىن «مەن جانە بوكس» اتتى دەرەكتى ءفيلمىن تاماشالاۋعا شاقىردى.
بۇل تۋرالى قامشى اقپاراتتىق اگەنتتىگى Sports.kz مالىمەتىنە سۇيەنىپ حابارلايدى.
«ەرتەڭنەن باستاپ بارلىق Golden Boy Promotions پلاتفورمالارىندا كورسەتىلەتىن «مەن جانە بوكس» ءفيلمىن كورىڭىزدەر!»، – دەپ جازدى GGG ءوزىنىڭ Twitter-دەگى پاراقشاسىندا. بۇل قىسقامەتراجدى فيلم پرەسس-تۋر اياسىندا لوندون، نيۋ-يورك جانە لوس-اندجەلەس تۇرعىندارىنىڭ نازارىنا ۇسىنىلىپ ۇلگەردى.
ەستەرىڭىزگە سالا كەتەيىك، گولوۆكين – الۆارەس جەكپە-جەگى 16 قىركۇيەك كۇنى لاس-ۆەگاستا وتەدى.
شولۋشى: ايگەرىم تاۋباي
پىكىر قالدىرۋ