ورتا سالماقتا WBA (Super)، IBO، WBC جانە IBF تۇجىرىمدارى بويىنشا الەم چەمپيونى گەنناديي گولوۆكين مەكسيكالىق ساۋل "كانەلو" الۆارەسپەن كەزدەسۋ وتكىزگەننەن سوڭ مانساپ جولىن اياقتاۋى مۇمكىن ەكەنىن ايتقان بولاتىن. 35 جاستاعى ورتا سالماقتاعى بوكسشى كاسىپقوي بوكستا 11 جىلدان اسا ۋاقىت وتكىزىپ، بىردە-بىر رەت جەڭىلىس تاپپاعان ەدى.
GGG بوكستان كەتەتىن بولسا، قازاقستاندىق كاسىپقوي بوكسشىلاردىڭ قايسىسى ونىڭ ورنىن باسۋى مۇمكىن؟ كاسىپقوي بوكستا ۇمىتكەرلەر كوپ، دەگەنمەن ولار مۇنى ىسپەن دالەلدەۋى كەرەك، - دەپ جازادى قامشى اقپاراتتىق اگەنتتىگى Vesti.kz-كە سىلتەمە جاساي وتىرىپ.
ۇمىتكەرلەر:
باتىر جۇكەمبايەۆ (9-0-0، 8 كو).
25 جاستاعى بوكسشى ءبىرىنشى ورتا سالماقتا جۇدىرىقتاسادى. جاقىندا ول ۇلكەن جەكپە-جەكتەر وتكىزەدى.
ءالي احمەدوۆ (6-0-0، 5 كو).
21 جاستاعى جارتىلاي اۋىر سالماقتاعى بوكسشى جەتكىلىكتى تانىمال بوكسشىلاردىى ءبىرى. ونىڭ ەڭبەكقورلىعى بيىل وسى سالماقتاعى ۇزدىك ون بوكسشىنىڭ رەيتينگىندە كوش باستاۋعا كومەك بەرەدى.
جانىبەك ءالىمحان ۇلى (1-0-0، 1 كو).
وسى تىزىمدەگى تاعى ءبىر جارتىلاي سالماقتاعى بوكسشىلاردىڭ ءبىرى. 2013 جىلى وتكەن الەم چەمپيوناتىندا ۇلكەن جەتىستىكتەرگە جەتتى. 2020 جىلى وتەتىن وليمپيادا ويىندارىندا قازاقستان قۇراماسىنىڭ ليدەرى بولۋى مۇمكىن، ءبىراق وعان ءوزىنىڭ كاسىپقوي بوكستاعى رەيتينگىن جوعارىلاتۋعا ەشكىم كەدەرگى كەلتىرمەيدى. گولوۆكين بوكستان كەتكەن جاعدايدا ءالىمحان ۇلى چەمپيون دەڭگەيىنە كوتەرىلۋى مۇمكىن.
فاۆوريتتەر:
جانات جاقيانوۆ (27-1-0، 18 كو).
WBA (Super) تۇجىرىمى بويىنشا ەڭ جەڭىل سالماقتاعى چەمپيون بىرىككەن جەكپە-جەك وتكىزۋگە دايىن. ونىڭ جاسى ءقازىر 33-تە، ءبىراق تاجىريبەلى جاقيانوۆ ءوزىنىڭ سالماق دەڭگەيىندە مىقتى قارسىلاستارمەن كەزدەسۋ وتكىزدى. قازاقستاندىق بوكسشى ۇلىبريتانيالىق رايان بارنەتتەن IBF بەلبەۋىن تارتىپ السا، وعان بارلىعى باعا بەرەدى.
قانات يسلام (24-0-0، 19 كو).
32 جاستاعى قازاقستاندىق بوكسشى قانات يسلامدى دا وسى تىزىمگە قوسۋدى ءجون كوردىك. ول وسىمەن بەسىنشى جىل كاسىپقوي بوكستا كەزدەسۋلەر وتكىزىپ ءجۇر.
ەلىمىزدە كاسىپقوي بوكستا 50-دەن اسا بوكسشى بار. ارينە، ولاردىڭ ءارقايسىسى بوكستان الەم چەمپيونى اتانىپ، جۇلدىز بولعىسى كەلەدى.
ەسكە سالا كەتەيىك، وسىعان دەيىن گولوۆكين "كانەلومەن" جۇدىرىقتاسقاننان كەيىن بوكسپەن قوش ايتىسۋى مۇمكىن ەكەنىن مالىمدەگەن بولاتىن. قازاقستاندىق بوكسشى مەكسيكالىق ساۋل "كانەلو" الۆارەسپەن جەكپە-جەك سپورت جولىندا سوڭعى كەزدەسۋى بولۋى مۇمكىن ەكەنىن جاسىرمادى. "جەكپە-جەكتەن كەيىن اياقتاۋىم مۇمكىن. ءبىراق جالعاستىرۋىم دا بەك مۇمكىن. جاعدايىم جاقسى. 30-تەمىن، ءبىراق ءالى دە 25 جاستاعى جىگىت سەزىنەمىن. بۇل بوكس، فۋتبول ەمەس. بۇل ويىن ەمەس، شايقاس، ءاربىر شايقاس كۇردەلى"، - دەگەن ەدى گولوۆكين BoxingScene باسىلىمىنا بەرگەن سۇحباتىندا.
شولۋشى: اسەل بولات قىزى
پىكىر قالدىرۋ