ەلوردا پوليسەيلەرى قحر ازاماتشاسىنا استاناداعى ساۋدا-ويىن-ساۋىق ورتالىعىنىڭ اۋماعىندا جوعالتقان قىمبات زەرگەرلىك بۇيىمىن تاۋىپ، قايتارىپ بەردى، دەپ حابارلايدى قازاقپارات. ەلوردانىڭ ىشكى ىستەر دەپارتامەنتىنە شەتەل ازاماتتارىنان پوليسەيلەردىڭ جەدەل ارەكەتى ءۇشىن العىس سوزدەر كەلىپ تۇسۋدە. 25 ماۋسىم كۇنى ساعات 13.00-دە اۋماقتىق ءىىب پوليسەي-جەدەل ۋاكىلى ساۋدا-ويىن ساۋىق ورتالىعىنىڭ اۋماعىنان ءىرى كولەمدەگى اقشا سوماسىنىڭ چەگى بار زەرگەرلىك بۇيىم مەن سەرتيفيكات تاۋىپ العان. كريمينالدىق پوليسيا قىزمەتكەرلەرى قىمبات بۇيىمنىڭ يەسىن جەدەل انىقتاعان. ول «MEGA Silk Way» وسو-دان قىمبات مەتالل مەن تاستان جاسالعان بىلەزىكتى ساتىپ الىپ، بايقاماي جوعالتىپ العان قحر ازاماتشاسى بولىپ شىقتى. قاجەتتى پروسەسسۋالدىق ارەكەتتەردى جۇرگىزگەننەن كەيىن باعالى اشەكەيدى، ياعني التىن مەن اسىل تاستان جاسالعان بىلەزىكتى يەسىنە قايتارىپ بەرگەن. ول پوليسەيلەرگە العىسىن ءبىلدىردى.
پىكىر قالدىرۋ