جەلى قولدانۋشىلارى الەۋمەتتىك جەلىدەگى جازبالارى ءۇشىن جاۋاپقا تارتىلادى دەپ حابارلايدى قامشى اقپاراتتىق اگەنتتىگى.
«بۇقارالىق اقپارات قۇرالدارى تۋرالى» قازاقستان رەسپۋبليكاسىنىڭ زاڭىنا سايكەس عالامتور كوزى بۇقارالىق اقپارات قۇرالدارىنىڭ مەنشىگىنە جۇكتەلەدى. ياعني عالامتور جەلىسىنە جاريالانعان اقپاراتتار باق-نىڭ ەنشىسىنە تيەسىلى.
«الەۋمەتتىك جەلىلەرگە جۇكتەلگەن اقپاراتتاردىڭ سەنىمدىلىگى تەكسەرىلىپ، بەلگىلەنگەن تالاپتارعا سايكەس كەلۋى ءتيىس. سونداي-اق، جەلى قولدانۋشىلارىنىڭ، جەكە جانە زاڭدى تۇلعالاردىڭ قۇقىقتارى قورعالۋعا مىندەتتى»، - دەپ مالىمدەدى البينا اتەن.
سونىمەن قاتار قازاقستان رەسپۋبليكاسى قىلمىستىق كودەكسىنىڭ 274 بابىنا سايكەس الەۋمەتتىك جەلىلەر ارقىلى قوعامدىق قاۋىپسىزدىكتى بۇزىپ، قاتەر تۋدىرۋشىلارعا، جەكە باس قۇقىعىن تاپتاۋشىلارعا بەس مىڭ ايلىق ەسەپتىك كورسەتكىشكە دەيىن ايىپپۇل تولەۋ نەمەسە ءدال وسى مولشەردە قوعامدىق جۇمىسقا سالۋ جازاسى نەمەسە ەكى جىلدان بەس جىلعا دەيىن باس بوستاندىعىنان ايىرۋ جازاسى بەلگىلەنگەن.
شولۋشى: اقەركە مارات قىزى
پىكىر قالدىرۋ