CNN ارناسىنىڭ قىزمەتكەرلەرى پرەزيدەنت دونالد ترامپ پەن ونىڭ كەڭەسشىسى ەنتوني سكارامۋچچيدىڭ رەسەيدىڭ تىكەلەي ينۆەستسيالار قورىمەن بايلانىسى تۋراسىندا دايىنداعان ماقالالارى ءۇشىن قىزمەتتەرىنەن بوساتىلدى، دەپ جازادى قامشى اقپاراتتىق اگەنتتىگى.

CNN تەلەارناسىنىڭ حابارلاۋىنشا، توماس فرەنك، ەريك ليحتبلاۋ جانە لەكس حاريس سايتتا تارالعان مالىمەتكە بايلانىستى جۇمىس ورىندارىن بوساتقان.

«CNN.com ارناسىنا جاريالانعان وقيعا وشىرىلگەن سوڭ جاريالانىمعا قاتىسى بار ءۇش قىزمەتكەر جۇمىستان شىعارىلدى» دەپ مالىمدەدى تەلەارنا.

فرەنك CNN ارناسىندا زەرتتەۋ جۇمىستارىمەن اينالىساتىن، زەرتتەۋ بولىمىنە جاۋاپتى CNN ارناسىنىڭ «ارداگەرى» حارريس ارنادا 2001 جىلدان بەرى قىزمەت اتقارىپ كەلەدى. ليحتبلاۋ ارناعا بىرنەشە اي بۇرىن عانا رەداكتور رەتىندە ءجۇمىسقا كىرىسكەن.

«جۇما كۇنى CNN مەنىڭ كوماندام جاريالاعان وقيعادان باس تارتتى. كوماندانىڭ جاۋاپتى رەداكتورى رەتىندە مەن قىزمەتىمدى توقتاتتىم. مەن 2001 جىلى ارناعا كەلدىم، سودان بەرى نىق سەنىممەن مىنانى ايتا الامىن: بۇل – وزگەلەردەن گورى ناقتىلىق پەن اقيقاتتى قاجەت ەتەتىن جاڭالىقتار قىزمەتى. مەن قىزمەتتەن كەتەمىن، ءبىراق وسى پرينسيپتەردى جادىمدا ساقتايمىن»، دەپ مالىمدەدى حارريس.