ءماجىلىس ءتوراعاسى نۇرلان نىعماتۋلين ەۋرازيا ەلدەرى پارلامەنتتەرى سپيكەرلەرىنىڭ ەكىنشى جينالىسىنا قاتىسۋ بارىسىندا ءبىرقاتار پارلامەنتتەر توراعالارىمەن ەكىجاقتى كەزدەسۋلەر وتكىزدى، دەپ جازادى قامشى اقپاراتتىق اگەنتتىگى.
«ەۋرازيا ايماعىندا ورتاق مۇددەلەر اياسىندا پارلامەنتارالىق ىنتىماقتاستىققا ىقپال ەتۋ» تاقىرىبىندا ءوتىپ جاتقان فورۋم بارىسىندا العاشقى جۇزدەسۋ كورەيا رەسپۋبليكاسىنىڭ ۇلتتىق اسسامبلەياسىندا ءوتتى.
ءماجىلىس ءتوراعاسى چۋنگ سە گيۋنمەن پارلامەنتارالىق ءۇنقاتىسۋدى ودان ءارى ىنتالاندىرۋدىڭ وزەكتى سۇراقتارىن تالقىلادى. قازاقستان مەن كورەيا اراسىنداعى ستراتەگيالىق ارىپتەستىككە باسا نازار اۋدارعان ن. نىعماتۋلين ەاەو ۇلكەن مۇمكىندىكتەرگە جول اشاتىنىن اتاپ ءوتتى. چۋنگ سە گيۋن ءوز كەزەگىندە ءبىزدىڭ ەلىمىزبەن ىقپالداستىقتى تەرەڭدەتۋگە دايىن ەكەندىكتەرىن جەتكىزدى.
ال، رەسەي مەملەكەتتىك دۋماسى ءتوراعاسى ۆياچەسلاۆ ۆولودينمەن جۇزدەسۋدە ينتەگراسيالىق بىرلەستىكتەر اياسىندا ىنتىماقتاستىقتى ودان ءارى نىعايتۋ سۇراقتارى تالقىلاندى. تاراپتار اتاپ وتكەندەي، قازاقستان مەن رەسەي باسشىلارىنىڭ ءوزارا بەلسەندى ءىس-قيمىلى قوس مەملەكەت اراسىندا ورناعان بەرىك دوستىق ءارى ستراتەگيالىق قارىم-قاتىناستىڭ جارقىن كورىنىسى.
سونداي-اق، قازاقستان مەن ارمەنيا پارلامەنتتەرى اراسىنداعى بايلانىستى دامىتۋعا دوستىق توبى بارىنشا ىقپال ەتەتىن بولادى. ونىڭ قۇرامى تاياۋ ۋاقىتتا ارمەنيانىڭ ۇلتتىق جينالىسىندا بەكىتىلەدى. بۇل تۋرالى ۇلتتىق جينالىس ءتوراعاسى ارا بابلويان ءماجىلىس ءتوراعاسى ن. نىعماتۋلينمەن كەزدەسۋ بارىسىندا مالىمدەدى. ودان ءارى ەكى ەلدەگى ساياسي وزگەرىستەر توڭىرەگىندە اڭگىمە ءوربىدى.
ارمەنيا پارلامەنتى وكىلدەرى قازاقستان پرەزيدەنتى ۇسىنعان كونستيتۋسيالىق رەفورما قازاقستاندىق قوعامدى ودان ءارى دەموكراتيالاندىرۋ جولىنداعى كەزەكتى ماڭىزدى قادام ەكەنىن اتاپ ءوتتى.
ا.بابلويان استانادا ءوتىپ جاتقان ەكسپو كورمەسىنە جوعارى باعا بەردى.
