وقىس وقيعا ءۇندىستانداعى كاشميردە بولعان. قاتتى جەلدىڭ سالدارىنان اسپالى جولدىڭ ارقانى ءۇزىلىپ كەتىپ، كابينا جەرگە قۇلاپ تۇسكەن، دەپ حابارلايدى قامشى اقپاراتتىق اگەنتتىگى India Today سايتىنا سىلتەمە جاساپ.
ءۇندىستاننىڭ سولتۇستىك ايماعىندا تاۋلى ايماقتاعى اسپالى جولدىڭ ارقانى ءۇزىلىپ كەتىپ، سالدارىنان جەتى ادام قازا تاپتى. سونىمەن قاتار، 100 ادام باسقا كابينالاردا تۇرىپ قالعان.
فوتوگرافتار وقيعا ورنىندا تۇسىرىلگەن سۋرەتتەردى Twitter پاراقشالارىندا جاريالاعان.
ءۇندىستانداعى ب ا ق وكىلدەرىنىڭ مالىمەتىنشە، جەرگە قۇلاپ تۇسكەن كابينانىڭ ىشىندە 4 ادامنان تۇراتىن جانۇيا، تاعى ەكى بالا مەن جەرگىلىكتى گيد بولعان. قاتتى جەلدىڭ سالدارىنان الىپ قاراعاي اسپالى جولدىڭ ارقانىنا قۇلاپ ءتۇسىپ، كابينا جەرگە قۇلاعان.
شولۋشى: نازەركە لابيحان
