نيگەريانىڭ سوماليمەن شەكارالاس ايماعىندا جارىلىس بولىپ، 8 ادام قازا تاپتى. بۇل تۋرالى قامشى اقپاراتتىق اگەنتتىگى ria.ru-عا سىلتەمە جاساپ حابارلايدى.
قۇربان بولعانداردىڭ تورتەۋى – جاس بالا. سوڭعى مالىمەتتەرگە قاراعاندا، قولدان جاسالعان جارىلعىش ءتورت پوليسيا قىزمەتكەرى مەن بالالار مىنگەن جۇك كولىگى ءوتىپ بارا جاتقاندا ىسكە قوسىلعان. قاسكويلىك شابۋىلدى ازىرگە ەشقانداي توپ موينىنا العان جوق.
ايتا كەتەيىك، نيگەريادا «بوكو حارام» لاڭكەستىك توبى ارەكەت ەتەدى. ولار ەلدەگى باتىستىق ءبىلىم بەرۋ جۇيەسىنە قارسى شىعىپ، شاريعات ەرەجەسىن ەنگىزۋدى كوزدەيدى. لاڭكەستەر ايماقتاعى نيگەر، كامەرۋن، چاد ەلدەرىندە بىرنەشە رەت جارىلىس ۇيىمداستىردى. 2009 جىلدان بەرى قاسكويلەردىڭ شابۋىلىنان 13 مىڭنان استام ادام قازا تاپتى.
شولۋشى: ايگەرىم تاۋباي
