قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى ب. يماشيەۆ تمد پارلامەنتارالىق اسسامبلەياسىنان بايقاۋشىلار توبىنىڭ ۇيلەستىرۋشىسى، رەسەي فەدەراسياسى فەدەرالدىق جينالىسى فەدەراسيا كەڭەسى ءتوراعاسىنىڭ ورىنباسارى ي.ۋماحانوۆ باستاعان تمد پارلامەنتارالىق اسسامبلەياسىنىڭ دەلەگاسياسىمەن كەزدەستى دەپ حابارلايدى قامشى اقپاراتتىق اگەنتتىگى.

2017 جىلعى 27 ماۋسىمدا قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى ب. يماشيەۆ تمد پارلامەنتارالىق اسسامبلەياسىنان بايقاۋشىلار توبىنىڭ ۇيلەستىرۋشىسى، رەسەي فەدەراسياسى فەدەرالدى جينالىسى فەدەراسيا كەڭەسىنىڭ ءتوراعاسىنىڭ ورىنباسارى ي ۋماحانوۆ باستاعان تمد پارلامەنتارالىق اسسامبلەياسىنىڭ دەلەگاسياسىمەن كەزدەستى.

كەزدەسۋگە سونداي-اق حالىقارالىق قاتىناستار جونىندەگى ارمەنيا رەسپۋبليكاسى ۇلتتىق جينالىسى تۇراقتى كوميسياسىنىڭ مۇشەسى ك. بەكاريان؛ قىرعىزستان رەسپۋبليكاسى جوگوركۋ كەنەش كولىك، كوممۋنيكاسيا، ساۋلەت جانە قۇرىلىس جونىندەگى كوميتەتىنىڭ مۇشەسى س.دجۋرايەۆ، تاجىكستان رەسپۋبليكاسىنىڭ مادجليسي ولي مادجليسي ميلي قوعامداعى جاستار مەن ايەلدەر اراسىنداعى الەۋمەتتىك ماسەلەلەر، دەنساۋلىق ساقتاۋ، عىلىم، مادەنيەت جانە ساياسات ماسەلەلەرى جونىندەگى كوميتەتى ءتوراعاسىنىڭ ورىنباسارى م. بوبوبەكوۆا، تمد پاا كەڭەسى باس حاتشىسىنىڭ ورىنباسارلارى ح.باكەنوۆ، ي. ليپچيۋ قاتىستى.

كەزدەسۋ بارىسىندا ب. يماشيەۆ  بايقاۋشىلاردى ورتالىق سايلاۋ كوميسسياسىنىڭ قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋ جونىندەگى قىزمەتىمەن تانىستىردى، سونداي-اق سايلاۋ ناۋقانىنىڭ ەرەكشەلىكتەرى تۋرالى، سايلاۋ كۇنىنە دايىندىق بارىسى تۋرالى ايتىپ بەردى جانە وسى سايلاۋدىڭ ەرەكشەلىگى – تۇنعىش رەت سايلاۋشىلار ەلەكتروندىق تىركەۋ قولدانىلاتىنىن دا اتاپ ءوتتى.

ورتالىق سايلاۋ كوميسسياسىنىڭ ءتوراعاسى ب. يماشيەۆ تمد پارلامەنتارالىق اسسامبلەياسىنىڭ دەلەگاسياسىنا سايلاۋدى بايقاۋدى ۇيىمداستىرۋدا اقپاراتتىق جانە باسقا دا قاجەتتى كومەك كورسەتۋگە دايىن ەكەنىن ءبىلدىردى.

ءوز سوزىندە، ي. ۋماحانوۆ سايلاۋدى بايقاۋعا شاقىرعانى ءۇشىن العىسىن ءبىلدىردى جانە پارلامەنتارالىق اسسامبلەياسى وكىلدەرىنىڭ قازاقستاندا، سونىڭ ىشىندە سەنات دەپۋتاتتارىن سايلاۋدا، ۇلكەن وڭ تاجىريبەسى بار ەكەنىن اتاپ كورسەتتى.

تمد پاا دەلەگاسياسى بايقاۋشىلارىنىڭ پىكىرىنشە، سايلاۋ وتكىزۋگە دايىندىق قۇقىق اياسىندا، دەموكراتيالىق نەگىزدە وتۋدە.

تمد پاا بايقاۋشىلار توبىنىڭ ۇيلەستىرۋشىسى سايلاۋدى بايقاۋ قورىتىندىلارىن جانە ءوز ۇسىنىمدارىن سايلاۋ ناۋقانى سوڭىندا جۇرتشىلىق پەن وسك-عا ۇسىنۋعا نيەتتى ەكەنىن حابارلادى.

شولۋشى: اسەم المۇحانبەت