تۇركيا سيريانىڭ سولتۇستىك بولىگىندە جاڭا ءىرى اسكەري وپەراسيا وتكىزە الادى. ءتىپتى كۇردتەردىڭ ورنالاسىپ الۋىن تەجەۋ ماقساتىندا وزدەرىنىڭ باقىلاۋ ايماعىنا مانبيدج جانە راككا قالالارىن دا قوسىپ الماق. بۇل تۋرالى «يزۆەستيا» باسىلىمىنا تۇركيا پرەزيدەنتى رەجەپ تايىپ ەردوعان حابارلادى، دەپ جازادى قامشى اقپاراتتىق اگەنتتىگى.
ونىڭ ايتۋىنشا، سيريانىڭ سولتۇستىك ايماعىنا كۇردتەردىڭ مەملەكەت قۇرۋىنا انكارا جول بەرمەك ەمەس، ءقاۋىپ تونە قالسا، ءىرى كولەمدەگى اسكەري وپەراسيانى وتكىزۋگە دايىن.
«بۇگىندە سيريادا كەلەڭسىز پروسەسس ورىن العان. ەگەر بۇل پروسەسس بارىسى ءبىزدىڭ شەكاراعا ءقاۋىپ توندىرسە، ءبىز «ەۆفرات قالقانى» وپەراسياسى سەكىلدى جولعا كوشەمىز»، - دەپ مالىمدەدى تۇرىك باسىشىسى.
سونداي-اق، ەردوعان انكارامەن ستراتەگيالىق سەرىكتەستىك ورناتقان مەملەكەتتەردىڭ كۇردتەردىڭ «دەموكارتيالىق وداق پارتياسى» ۇيىمى جانە «حالىقتى قورعاۋ» اسكەري قاناتىندا «تەرروريستەرمەن بىرىگىپ جۇمىس اتقاراتىنىنا» قاپالى.
اڭگىمە سيريالىق كۇردەتردەن تۇراتىن اسكەري توپتى دايش-قا قارسى قولدانباق نيەتتەگى اقش جايىندا بولىپ وتىر.
ەردوعاننىڭ شەشىمىنە رەسەي مەن اقش الاڭداپ قالدى. ماسكەۋ تۇركيا مەن كۇردتەر اراسىنداعى ۇلكەن سوعىسقا جول بەرمەۋدى قاداعالايتىندارىن مالىمدەدى.
شولۋشى: گۇلىم جاقان
