پاۆلوداردا «ارتۋر» ساۋدا ءۇيىنىڭ كولىك تۇراعىندا لادا پريورا ماركالى جەڭىل كولىك جانىپ كەتتى، دەپ حابارلايدى قامشى اقپاراتتىق اگەنتتىگى pavlodarnews.kz سىلتەمە جاساپ.
وبلىستىق تجد باسپا ءسوز قىزمەتىنىڭ حابارلاۋىنشا، اقپارات 27 ماۋسىم كۇنى ساعات 16:33-تە تۇسكەن.
- ءورت ءتورت شارشى مەترگە دەيىن ۇلعايىپ، ساعات بەس كەزىندە ءسوندىرىلدى. ورتكە قارسى ءبىر تەحنيكا جانە ءتورت ادام جۇمىلدىرىلدى. ماشينانىڭ سالونى جانە موتورىنىڭ ءبىر بولىگى جانىپ كەتىپتى. توتەنشە جاعداي نەدەن ورىن العانى انىقتالۋدا. ابىروي بولعاندا، زارداپ شەككەندەر جوق، جالىن جاقىن تۇرعان كولىككە دە جەتكىزبەي ءوشىرىلدى، - دەيدى تجد ماماندارى.
شولۋشى: ايگەرىم تاۋباي
