27 ماۋسىم كۇنى اۋقىمدى تۇردە ەنەرگەتيكالىق، اقپاراتتىق كومپانيالارعا جانە دە بىرنەشە ەلدەردىڭ مەملەكەتتىك قىزمەتكەرلەرىنە ۆيرۋستىق شابۋىل جاسالدى، دەپ حابارلايدى قامشى اقپاراتتىق اگەنتتىگى.

ءبىرىنشى كەزەكتە، ۆيرۋستىق شابۋىل ۋكراينا ەلىنىڭ مەملەكەتتىك قىزمەت ورنىنداعى كومپيۋتەرلەرگە، ولاردىڭ بانك جۇيەلەرىنە، سونىمەن قاتار چەرنوبل ايماعىنداعى بانك سەرۆەرىنە جاسالعان. حاكەرلەردىڭ شابۋىلدارىنا مىنا 10 مەملەكەت ىلىكتى: ۋكراينا، يتاليا، يزرايل، سەربيا، ۆەنگريا، رۋمىنيا، پولشا، ارگەنتينا، چەحيا مەن گەرمانيا.

دەرەكتەرگە سايكەس، ۆيرۋستار فيشينگ ەلەكتروندى حاتتار نەمەسە WannaCry ادىسىمەن Double Pulsar Eternal Blue لوكالدى جەلىلەرى ارقىلى تارالعان.

تارالعان ۆيرۋستار كومپيۋتەرلەردى قۇلىپتاپ، ولاردان $300 قاراجاتتى تالاپ ەتەدى ەكەن. قازاقستان رەسپۋبليكاسى اۋماعىنا مۇنداي ۆيرۋستاردى جىبەرمەۋ ءۇشىن سايت بەتتەرى مەن الەۋمەتتىك جەلىلەردە حابارلاندىرۋلار تارالعان. سونىمەن قاتار اق «نيت» پەن استانا ەكسپو-2017 بايلانىس وپەراتورلارىنا ەسكەرتىلدى.

ۇسىنىس قىزمەتى 1024-1035 تسر پورتتارىن جابۋ مەن Server Message Block جەوىسىندەگى دەرەكتەردى بەرۋ حاتتاماسىن جابۋدان تۇرادى. سونىمەن قاتار شيفرلەۋشى پايدالاناتىن الگوريتم وسالدىعىن جاباتىن MS17-010 جاڭارتۋ باعدارلاماسىن جۇكتەپ الۋ ۇسىنىلادى. 

زاقىمدانعان جاعدايدا كومپيۋتەردى وشىرمەي قۇرىلعىنى ينتەرنەتتەن ءوشىرۋ ءۇشىن گيبەرناسيا رەجيمىنە قوسۋ قاجەت. 

قازاقستان رەسپۋبليكاسى ايماعىندا كومپيۋتەرلەردىڭ زاقىمدانعانى جايلى اقپارات مينيسترلىككە نەمەسە ۆەدومستۆولىق باعىتتاعى ۇيىمدارعا كەلىپ تۇسكەن جوق.

قازىرگى تاڭدا ينتەرنەتكە كىرۋ ءۇشىن ءبىر شليۋزگە قوسىلعان مەملەكەتتىك قىزمەتكەرلەردىڭ كومپيۋتەرلەرىن قورعاۋ ءىسى قولعا الىندى.

شولۋشى: نازەركە لابيحان