قازاقستاندىق ب ا ق وكىلدەرى كاسىبي مەرەكەلەرىن تويلاتىپ جۇرگەندە، ەلىمىزدە سەنات دەپۋتاتتارىنىڭ سايلاۋى باستالىپ كەتىپتى. سەنات دەپۋتاتتارىن سايلاۋ ارقىلى مەملەكەتتىڭ بولاشاعى جاساقتالادى. ەلىمىزدە بولىپ جاتقان ءتۇرلى سايسي بولسىن، الەۋمەتتىك بولسىن شەشىمدەردىڭ قابىلدانىپ، زاڭ جۇزىندە ىسكە اسىرىلۋىنا دا جاۋاپتى سول دەپۋتاتتار. ءيا، قوعامدا دەپۋتاتتاردىڭ الەۋەتى زور، الايدا دەپۋتات دەگەن ستاتۋسىنا قاراپ قانا باعالاناتىنى جاسىرىن ەمەس. وكىنىشتىسى، قۇزىرەتىن حالىق بايقاي بەرمەيدى. نە دە بولسا، بۇگىن، ماۋسىمنىڭ 28ء-شى جۇلدىزىندا ەلباسىمىزدىڭ جارلىعىنا سايكەس ق ر پارلامەنتى سەناتىنىڭ دەپۋتاتتارىنىڭ كەزەكتى سايلاۋى باستالدى. سەناتتىڭ 16 دەپۋتاتتىق مانداتىنا 38 ۇمىتكەر تالاسۋدى باستادى. 14 وبلىستان 3291 دەپۋتات داۋىس بەردى.

ق ر پارلامەنتى سەناتى سايلاۋىندا قاراعاندى جانە الماتى وبلىستارىنان وزگە وڭىرلەردە الدىن الا سايلاۋدىڭ قورىتىندىسى شىقتى. بۇل تۋرالى ارنايى باسپا ءسوز ءماسليحاتىندا ورتالىق سايلاۋ كوميسسياسىنىڭ مۇشەسى ءلاززات سۇلەيمەنوۆا مالىمدەگەن ەدى.

ءلاززات سۇلەيمەنوۆا سايلاۋ بيۋلليۋتەندەرىنە 38 كانديدات ەنگىزىلگەنىن ايتا كەلىپ، سەنات سايلاۋىنىڭ قورىتىندىسى 2 كۇننىڭ ىشىندە بەلىگىلى بولاتىندىعىن مالىمدەگەن.

ەڭ كوپ داۋىس جيناعان كانديداتتاردىڭ اراسىندا ءىس باسىنداعى 4 سەناتور، 2 وبلىس اكىمىنىڭ ءبىرىنشى ورىنباسارى، 3 وبلىس اكىمىنىڭ ورىنباسارى، ءبىر وبلىس ورتالىعىنىڭ اكىمى، 1 وبلىستىق ءماسليحاتتىڭ حاتشىسى، ءبىر جوعارى وقۋ ورنىنىڭ رەكتورى، ساياسي پارتيالاردىڭ 2 وكىلى، 1 جەكە سەكتور وكىلى جانە 1 ارنايى مەملەكەتتىك ورگاننىڭ وكىلى بارىن ايتقان ق ر ورتالىق سايلاۋ كوميسسياسىنىڭ مۇشەسى كونستانتين پەتروۆ.

ال سايلاۋ ناۋقانىنا قاتىسقان حالىقارالىق بايقاۋشىلاردىڭ سانى - 172. شەتەلدىك ب ا ق وكىلدەرىنىڭ سانى - 116. بارلىعى - 288 بايقاۋشى.

الدىن الا سايلاۋ قورىتىندىسىنا سايكەس

استانادان ۇسىنىلعان ەدىل مامىتبەكوۆ سايلاۋ قورىتىندىسى بويىنشا 92% جيناعان، نۇر وتان پارتيسىنىڭ قالالىق فيليالىنىڭ ءتوراعاسىىنڭ ءبىرىنشى ورىنباسارى قىزمەتىن اتقارادى.

الماتىدان سەناتور رەتىندە ۇسىنىلعان 52 جاستاعى دينار نۇكەتايەۆا قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ رەكتورى جانە بۇرىنعى ءماجىلىس دەپۋتاتى. الدىن الا سايلاۋ قورىتىندىسى بويىنشا 94% داۋىس جيناعان.

اقسولا وبلىسىنان 61 جاستاعى داۋرەن ادىلبەكوۆ وبلىس اكىمىنىڭ ءبىرنىشى ورىنباسارى بولدى، سايلاۋ قورىتىندىسى بويىنشا 64،5% داۋىس جينادى.

اقتوبە وبلىسىندا سەناتور بولعان 60 جاستاعى مۇحتار جۇماعازييەۆ 93% داۋىس جينادى، ول وبلىس اكىمىنىڭ ورىنباسارى.

الماتى وبلىسىنان سەناتور بولعان 46 جاستاعى نۇرلان قىلىشبايەۆ 91% داۋىس جينادى.

اتىراۋ وبلىسى، 60 جاستاعى عۇمار دۇيسەمبايەۆ وبلىس اكىمىنىڭ ءبىرىنشى ورىنباسارى، 82،44%.

شىعىس قازاقستان وبلىسى، 59 جاستاعى دۇيسەنعازى مۋسين اكىم ورىنباسارى بولعان، 93،57%.

جامبىل وبلىسى، 59 جاستاعى ابدالى نۇرالييەۆ وبلىس اكىمىنىڭ ورىنباسارى، 87%.

باتىس قازاقستان وبلىسى، 52 جاستاعى ناريمان تورەعلييەۆ ورال قالاسىنىڭ اكىمى، 80،41%.

قاراعاندى وبلىسى، 57 جاستاعى رىسقالي ابدىكەروۆ وبلىس ءماسليحاتىنىڭ حاتىشىسى، 82،5%.

قوستاناي وبلىسى، 55 جاستاعى جەڭىس نۇرعالييەۆ، 86،5%.

قىزىلوردا وبلىسى، 59 جاستاعى مۇرات باحتيار ۇلى، 70،14%.

ماڭعىستاۋ وبلىسى، 57 جاستاعى باقتىباي شەلپەكوۆ، 76%.

پاۆلودار وبلىسى، 60 جاستاعى نۇرجان نۇرسيپاتوۆ ۇلتتىق قاۋىپسىزدىك كوميتەتىنىڭ قىزمەتكەرى، 82،14%.

سولتۋۇستىك قازاقستان وبلىسى، 61 جاستاعى ەرىك سۇلتانوۆ بۇرىنعى وبلىس اكىمى، 85%.

وڭتۇستىك قازاقستان وبلىسى، 58 جاستاعى ءالىمجان قۇرتايەۆ نۇر وتان پارتياسىنىڭ وبلىستىق فيليالى ءتوراعاسىنىڭ ءبىرىنشى ورىنباسارى، 82%.

سايلاۋ بارىسىن وڭتۇستىك كورەيا مەن كورشىلەس رەسەيدەن كەلگەن 14 حالىقارالىق بايقاۋشى باقىلاپ، الەۋمەتتىك جەلى ارقىلى تىكەلەي ەفيرگە شىعىپ وتىردى. قازاقپاراتتىڭ مالىمەتىنشە، وڭتۇستىك كورەيادان كەلگەن حالىقارالىق بايقاۋشى چاە سۋدۋك سايلاۋدىڭ جوعارى دەڭگەيدە وتكەنىن ايتتى.

«بۇگىنگى سايلاۋ ماعان وتە ۇنادى. بارلىعى سايلاۋ زاڭىنا ساي، اشىق تۇردە ءوتتى. ەشقانداي زاڭبۇزۋشىلىقتى بايقامادىم. ادامداردىڭ جۇزدەرى جارقىن، كوڭىلدەرى كوتەرىڭكى، مەرەكە ەكەنى سەزىلىپ-اق تۇر»، دەيدى چاە سۋدۋك.

سايلاۋعا قاتىسىپ، ءوز تاڭداۋىن جاساعان 327 دەپۋتاتتىڭ 298ء-ى نۇرلان ناۋرىز ۇلى قىلىشبايەۆقا داۋىس بەردى. وسىنداي باسىمدىققا يە بولعان ول پارلامەنتتىڭ جوعارعى پالاتاسىنا دەپۋتات بولىپ سايلاندى. ال ونىڭ قارسىلاسى ءوز كەزەگىندە بۇگىن وزىنە سەنىم ءبىلدىرىپ، ۇلكەن ءۇمىت ارتقان جەرگىلىكتى ءماسليحات دەپۋتاتتارىنا العىسىن ءبىلدىردى.

«ق ر پارلامەنتى سەناتىنىڭ دەپۋتاتتىعىنا ۇمىتكەر رەتىندە قاتىستىم. مەن ءۇشىن اشىق تۇردە بارلىعى ءوتتى. 29 دەپۋتات داۋىس بەردى. بارلىعىنا راحمەت ايتقىم كەلەدى. وسىلاي قولداپ، ءۇمىت ارتىپ، ماعان ءوز داۋىستارىن بەرگەنىنە راحمەت»، دەدى ۇمىتكەر ەركەبۇلان ءومىرزاقوۆ.

شولۋشى: گۇلىم جاقان