شىعىس قازاقستاننىڭ قىتايمەن شەكارادا جاتقان شالعاي اۋىل تۇرعىندارى ەندى ەلورداعا 2 ساعاتتا جەتەتىن بولدى. ءۇرجار-استانا باعىتىندا جاڭا اۋە رەيسى اشىلدى. بۇل تۋرالى قامشى اقپاراتتىق اگەنتتىگى حابار ارناسىنا سىلتەمە جاساپ حابارلايدى.

اپتاسىنا 4 رەت قاتىنايتىن رەيستە جولاۋشىلارعا 40 ورىندىقتى ان-2 ۇشاقتارى قىزمەت ەتەدى. بۇعان دەيىن اۋدان ورتالىعىنان سەمەي، وسكەمەن، الماتى قالالارىنا عانا اۋە قاتىناسى بار ەدى. مۇنىڭ ءبارى ايماقتاعى ءتۋريزمدى دامىتىپ، الاكولگە كەلەتىن ساياحاتشىلار سانىن ەسەلەۋگە جول اشادى. ەكسپو كورمەسىنە دە بارىس-كەلىس جاندانا تۇسپەك. جوسپار بويىنشا كەلەسى جىلى اۋەجايدى كۇردەلى جوندەۋدەن وتكىزىپ، ۇشىپ-قونۋ جولاقتارىن 1،5 شاقىرىمعا دەيىن ۇزارتۋ كوزدەلىپ وتىر. ياعني بولاشاقتا «تۋ»، «بوينگ» سياقتى الىپ ۇشاقتار قابىلداۋعا دا مۇمكىندىك تۋادى.

 بولات بەكتەمىروۆ، ءۇرجار اۋەجايىنىڭ كومەندانتى: - استانا مەن الماتى رەيسىنىڭ 50 %-ىن رەسپۋبليكالىق بيۋدجەتتەن تولەيدى. ال سەمەي، وسكەمەن وبلىستىق بيۋدجەتتەن تولەنەدى. بيلەت باعاسى سەمەيگە 7 مىڭ، وسكەمەنگە 8 مىڭ، استانا مەن الماتىعا 14 مىڭ تەڭگە.

شولۋشى: ايگەرىم تاۋباي