رەسەي پرەزيدەنتى ۆلاديمير پۋتين شەتەلدىك ارنايى قىزمەتتەردىڭ ەكسترەميستىك جانە تەرروريستىك توپتاردى تىكەلەي قولدايتىندىعىن مالىمدەدى. پرەزيدەنت بۇل مالىمدەمەسىن سۆر شتاب-پاتەرىندە وفيسەرلەردى قۇتتىقتاۋ سوزىندە ايتىپ ءوتتى. بۇل تۋرالى قامشى اقپاراتتىق اگەنتتىگى ربك-عا سىلتەمە جاساپ حابارلايدى.
«رەسەيگە قارسى قارۋ رەتىندە ەكسترەميستىك جانە تەرروريستىك توپتار قولدانىلادى. ولاردىڭ دەرلىك كوپشىلىگى بىرنەشە مەملەكەتتەردىڭ ارنايى قىزمەتتەرىنىڭ تىكەلەي قولداۋىمەن قامتاماسىز ەتىلىپ، قامقورلىعىندا بولاتىنى ەشكىمگە بەيمالىم ەمەس»-دەدى پۋتين ءوز سوزىندە.
سونىمەن بىرگە رەسەي پرەزيدەنتى شەتەلدىك ارنايى قىزمەتتەر كيبەرشابۋىل، اقپاراتتى بۇعاتتاۋ سەكىلدى تاسىلدەردى قولداناتىنىن اتاپ ءوتتى.
شولۋشى: نازەركە مۇسا
