ءماجىلىس سپيكەرى نۇرلان نىعماتۋلين رەسەي فەدەراسياسى فەدەرالدىق جينالىسى فەدەراسيا كەڭەسى ءتوراعاسىنىڭ ورىنباسارى، ق ر پارلامەنتى سەناتى دەپۋتاتتارىن سايلاۋ بارىسىن بايقاۋعا قاتىسقان تمد پاا بايقاۋشىلار توبىنىڭ ۇيلەستىرۋشىسى يلياس ۋماحانوۆپەن كەزدەستى دەپ حابارلايدى قامشى اقپاراتتىق اگەنتتىگى.
تمد پاا وكىلدەرىنە ءوز العىسىن جەتكىزە كەلىپ، ن. نىعماتۋلين ءبىزدىڭ ەلىمىزدىڭ حالىقارالىق ستاندارتتارعا سايكەس اشىق، جاريالى، ءادىل سايلاۋ وتكىزۋگە ايرىقشا ءمان بەرەتىنىنە توقتالدى.
ءوز كەزەگىندە ي. ۋماحانوۆ: - ەلدىڭ جوعارى زاڭ ورگانىنىڭ سايلاۋ ناۋقانى ماڭىزدى ساياسي وقيعا. ونىڭ ۇستىنە قازاقستان پرەزيدەنتى نۇرسۇلتان نازاربايەۆ ۇسىنعان ساياسي رەفورمادان كەيىن پارلامەنتتىڭ وكىلەتى ارتۋىنا بايلانىستى بۇل ساياسي ناۋقاننىڭ وزەكتىلىگى بۇرىنعىدان ارتا ءتۇستى،-دەپ اتاپ ءوتتى.
تاراپتار سونداي-اق، قازاقستان مەن رەسەي قارىم-قاتىناسىنا قاتىستى ماڭىزدى سۇراقتار بويىنشا پىكىر الماستى. پارلامەنتارالىق ىنتىماقتاستىقتى نىعايتۋعا دا باسا نازار اۋداردى.
شولۋشى: اسەم المۇحانبەت
