كحدر وڭتۇستىك كورەيانىڭ ەكس-پرەزيدەنتى پاك كىن حە مەن وڭتۇستىك كورەيا بارلاۋ قىزمەتىنىڭ باسشىسى لي بەن حونى سىرتتاي ءولىم جازاسىنا كەستى، دەپ جازادى قامشى اقپاراتتىق اگەنتتىگى.
پحەنيان ولاردى سولتۇستىك كورەيا باسشىسى كيم چەن ىنعا قاستاندىق جاساماق بولعانى ءۇشىن ايىپتاپ، سەۋلدەن ەكى سوتتالۋشىنى بەرۋدى تالاپ ەتتى.
كحدر اقپاراتتىق اگەنتتىگىنىڭ مالىمەتىنشە حابارلاۋىنشا پاك كىن حە مەن لي بەن حو 2015 جىلى سولتۇستىك كورەيا باسشىسى كيم چەن ءىندى ولتىرمەكشى بولعان.
سولتۇستىك كورەيا اگەنتتىگىنىڭ حابارلاۋىنشا، پاك كىن حە مەن لي بەن حونى ءولىم جازاسىنا كەسۋ تۋرالى جارلىق مەملەكەتتىك قاۋىپسىزدىك مينيسترلىگى جانە كحدر ورتالىق پروكۋراتۋراسى مەن قوعامدىق قاۋىپسىزدىك مينيسترلىگىنىڭ بىرلەسۋىمەن قابىلدانعان.
ايتا كەتەيىك، پاك كىن حە پرەزيدەنتتىكتەن 2017 جىلدىڭ ناۋرىز ايىندا يمپيچمەنت ناتيجەسىندە كەتكەن بولاتىن. قازىرگى تاڭدا ونىڭ ۇستىنەن جەمقورلىق، قىزمەتىن اسىرا پايدالانۋ، مەملەكەتتىك قۇپيالاردى جاريا ەتۋ سىندى باپتار بويىنشا قىلمىستىق ءىس قوزعالعان.
