ءماجىلىس سپيكەرى نۇرلان ءنىعماتۋليننىڭ توراعالىعىمەن پالاتانىڭ وسى سەسسياداعى سوڭعى جالپى وتىرىسى ءوتتى دەپ حابارلايدى قامشى قاپاراتتىق اگەنتتىگى ق ر پارلامەنتى ءماجىلىسى اپپاراتىنىڭ باسپا ءسوز قىزمەتىنە سىلتەمە جاساپ. 
وسىعان بايلانىستى سەسسيا جۇمىسىن قورىتىندىلاعان ءماجىلىس ءتوراعاسى بۇل سەسسيا ءماجىلىس تاريحىنداعى ەڭ ماڭىزدى كەزەڭدەردىڭ ءبىرى بولعانىن اتاپ ءوتتى.

وسى رەتتە ن. نىعماتۋلين قازاقستان تاۋەلسىزدىگىنىڭ 25 جىلدىق مەرەيتويىنا، ەلباسىنىڭ باستاماسىمەن جۇرگىزىلگەن كونستيتۋسيالىق رەفورماعا باسا كوڭىل ءبولدى.

ونى ساپالى زاڭمەن قامتاماسىز ەتۋ ءۇشىن، سونداي-اق، پرەزيدەنتتىڭ جولداۋىندا، «100 ناقتى قادام» ۇلت جوسپارىندا، «قازاقستان - 2050» ستراتەگياسىندا ايتىلعان باسىم باعىتتاردى زاڭنامالىق قاماتامسىز ەتۋ جولىندا اتقارىلعان جۇمىستارعا توقتالدى.

ايتا كەتسەك، اتالعان كەزەڭدە ءماجىلىستىڭ 38 جالپى وتىرىسى ءوتىپ 226 ماسەلە قارالعان. پالاتا 84 زاڭ جوباسىن قاراپ، سەناتقا جولدادى.

سونداي-اق، 16 «ۇكىمەتتىك ساعاتتار»، 2 پارلامەنتتتىك تىڭداۋ، 25 «دوڭگەلەك ۇستەلدەر»، 17 كوشپەلى وتىرىستار مەن 4 حالىقارالىق عىلىمي-تاجىريبەلىك كونفەرەنسيالار ۇيىمداستىرىلعان.

ءماجىلىس ءتوراعاسى اتاپ وتكەن تاعى ءبىر ۇلكەن وزگەرىس ول – ءماجىلىس جۇمىسىنىڭ اشىق بولۋى.

-وزدەرىڭىز جاقسى بىلەسىزدەر، سەسسيا اشىلعان كۇننەن باستاپ، جالپى وتىرىستار جانە ۇكىمەت ساعاتتارى «ونلاين» رەجيمدە بۇكىل رەسپۋبليكاعا كورسەتىلدى. بۇل ءماجىلىس جۇمىسىنىڭ بۇرىنعىدان دا اشىق جانە ساپالى بولۋىنا زور ىقپال ەتتى. سونىمەن قاتار، بىزدە وتكەن شارالارعا مەملەكەتتىك ورگاندارمەن بىرگە، قوعامدىق ۇيىم مۇشەلەرى، ماجىلىسكە كىرمەگەن پارتيالار قاتىسىپ، ءبىزدىڭ ءماجىلىس شىن مانىندە ەركىن-پىكىر ورتالىعىنا اينالدى. وسىنىڭ بارلىعى ءبىزدىڭ جۇدىرىقتاي جۇمىلىپ، بىرلەسە جاساعان جۇمىستارىمىزدىڭ ناتيجەسى،-دەدى نۇرلان نىعماتۋلين.

ال، بۇگىنگى جالپى وتىرىستا ءماجىلىس دەپۋتاتتارى ەاەو-قا مۇشە مەملەكەتتەر اراسىنداعى قىزمەتتىك جانە ازاماتتىق قارۋدى وتكىزۋ تۋرالى كەلىسىمدى راتيفيكاسيالاۋعا قاتىستى زاڭ جوباسىن ماقۇلدادى.

رۇقسات بەرۋ قۇجاتتارىن ەۋرازيالىق ەكونوميكالىق كوميسسيا بەكىتەتىن ءبىرىڭعاي نىسان بويىنشا مۇشە مەملەكەتتەردىڭ قۇزىرەتتى ورگاندارى بەرەدى. ول مۇشە مەملەكەتتەردىڭ زاڭناماسىندا بەلگىلەنگەن تارتىپپەن جانە مەرزىمدەردە بەرىلەدى.

جەكە تۇلعا اڭ اۋلاۋعا قاتىسۋ كەزىندە پايدالانۋ ءۇشىن ازاماتتىق قارۋدى اكەتكەنگە دەيىن كەمىندە 10 كۇن بۇرىن مۇشە مەملەكەتتىڭ زاڭناماسىندا كوزدەلگەن، اڭ اۋلاۋعا قاتىسۋدى راستايتىن قۇجاتتىڭ كوشىرمەسىن قوسا تىركەي وتىرىپ، جازباشا تۇردە حابارلايدى.

سونداي-اق بۇگىن جەرگىلىكتى ءوزىن-وزى باسقارۋدى دامىتۋ ماسەلەلەرى بويىنشا تۇزەتۋلەرگە قاتىستى زاڭ جوباسى بويىنشا ءماجىلىس پەن سەنات اراسىنداعى كەلىسىم كوميسسياسىنىڭ ۇسىنىستارى ماقۇلداندى.

ءماجىلىس وسى كۇنى كەيبىر زاڭنامالىق اكتىلەرگە ولاردى كونستيتۋسيا نورمالارىنا سايكەس كەلتىرۋ ماسەلەلەرى بويىنشا تۇتۋلەرگە قاتىستى زاڭ جوباسى بويىنشا سەنات ەنگىزگەن وزگەرىستەرگە كەلىسىم ءبىلدىردى.

شولۋشى: اسەم المۇحانبەت