قازاقستانداعى جاڭا مەدياوداقتىڭ نەگىزىن قالاۋشىلاردىڭ ءبىرى ارمانجان بايتاسوۆ «ۇركەر» سىيلىعىنىڭ لاۋرەاتتارىن ماراپاتتاۋ سالاتاناتىنا قاتىستى دەپ حابارلايدى قامشى اقپاراتتىق اگەنتتىگى.

اتاپ ايتقاندا، بيزنەسمەن سىيلىقتى «ۇزدىك وڭىرلىك باسىلىم» نوميناسياسىندا جەڭىمپاز اتانعان «رەيتينگ» گازەتىنىڭ وكىلىنە تابىس ەتتى.

«بارشالارىڭىزدى مەرەكەمەن - جۋرناليستەر كۇنىمەن قۇتتىقتايمىن. وسى ءساتتى پايدالانىپ، تاماشا سىيلىقتى ۇيىمداستىرعان مينيسترلىككە العىسىمدى بىلدىرگىم كەلەدى. بۇگىن سىيلىق العان بارلىق جەڭىمپازداردى جانە بۇل سىيلىققا ۇسىنىلعانداردى قۇتتىقتاعىم كەلەدى. ەرەڭ ەڭبەكتەرىڭىز جانە قازاقستان جۋرناليستيكاسىنا قوسىپ وتىرعان ۇلكەن ۇلەستەرىڭىز ءۇشىن راحمەتىمدى ايتامىن»، - دەدى ول.

بايتاسوۆتىڭ ايتۋىنشا، بۇل، ونىڭ وسىنداي ءىس-شارالارعا ەكىنشى قاتىسۋى.

«شىنىمدى ايتسام، بيىلدىققا وسىنداي تاماشا ءىس-شاراعا ەكىنشى رەت قاتىسىپ وتىرمىن - كوكتەمدە «تۇمار» سىيلىعىن تاپسىرعان بولاتىنبىز. مينيسترلىك كوپ نارسە اتقارۋدا جانە بۇل جۇمىس وتە ماڭىزدى. مەن ءوزىم كوپتەگەن سىيلىقتاردى وتكىزگەن بولاتىنمىن جانە ونىڭ مەديا-قوعامداستىق ءۇشىن قانشالىقتى ماڭىزدى ەكەندىگىن بىلەمىن»، - دەپ اتاپ ءوتتى ول.

«بۇگىن وتە ماڭىزدى كۇن ەكەندىگىن اتاپ وتكىم كەلەدى - 28 ماۋسىمدا قازاقستاننىڭ مەدياوداعى قۇرىلدى. ءبىزدىڭ مەديا-كەڭىستىك كەمەلدەنە ءتۇستى جانە ءوزىمىزدىڭ قوعامدىق ۇيىم پايدا بولدى. مەدياورتالىقتىڭ كەلەشەگى زور بولاتىنىنا ۇمىتتەنەمىن جانە قوعامىمىز جاڭا ۇيىمعا قولداۋ بىدىرەدى دەگەن سەنىمدەمىن»، - دەپ ءتۇيدى ارمانجان بايتاسوۆ.

ەسكە سالايىق، 28 ماۋسىم كۇنى ەلىمىزدىڭ تانىمال مەدياباسشىلارى مەن جۋرناليستەر توبى «قازاقستان مەدياوداعى» قوعامدىق ۇيىمى قۇرىلعانىن جاريالاعان بولاتىن. وسى كۇنى وداق قۇرىلتايشىلارىنىڭ العاشقى جينالىسى ءوتتى.

وداق قۇرىلتايشىلارىنىڭ اراسىندا «قازاقپارات» حاا باس ديرەكتورى اسقار ۋماروۆ، ارمانجان بايتاسوۆ، ەرلان بەكحوجين، ەرلان قارين، ءشامشيدين پاتەيەۆ، نۇرتورە ءجۇسىپ، نۇرجان مۇحامەدجانوۆا، باتىر قازىبايەۆ، دانا ورمانبايەۆا، ايدار جۇمابايەۆ، ۆيكتور كيانيسا، ميحايل دوروفەيەۆ، ارمان شورايەۆ جانە بەيبىت الىبەكوۆتەر بار.  

شولۋشى: اسەم المۇحانبەت