29 ماۋسىمدا الماتى قالاسىنىڭ جەتىنشى قالالىق اۋرۋحاناسىنىڭ جانساقتاۋ بولىمىندە تانىمال ۆەلوسيپەدشى دانا احمەتوۆا قايتىس بولدى، - دەپ حابارلايدى قامشى اقپاراتتىق اگەنتتىگى Zakon.kz-كە سىلتەمە جاساپ.

قازاقستان ۆەلوسيپەد سپورتى فەدەراسياسىنا سىلتەمە جاساپ.  "23 ماۋسىمدا 17 جاستاعى سپورتشى قىز IV جاستار سپورت ويىندارىندا ەسىنەن تانىپ قالعان، سودان كەيىن جەدەل جاردەم بريگاداسى ونى جانساقتاۋ بولىمىنە جەتكىزگەن. دارىگەرلەر دانانىڭ جاعدايى تىم اۋىر دەپ باعالاعان. قىز بالا ەس جيماستان قايتىس بولدى"، - دەلىنگەن فەدەراسيانىڭ رەسمي سايتىندا جاريالانعان حابارلامادا.

  سونىمەن قاتار، فەدەراسياداعىلار دانا احمەتوۆانىڭ سولتۇستىك قازاقستانداعى وبلىستىق مامانداندىرىلعان دارىندى بالالارعا ارنالعان مەكتەپتە وقىعانىن جانە قازاقستان رەسپۋبليكاسىنىڭ سپورت شەبەرى ەكەنىن جازعان. 2016 جىلى دانا وليمپياداعا دايىندىق ورتالىعىنىڭ تىزىمىندە بولعان.

  "دانا احمەتوۆا تالانتتى ءارى مىقتى سپورتشى بولاتىن، ول ءوزى قاتىسقان جارىستاردا جەڭىسكە دەگەن ۇلكەن ەرىك-جىگەرىن كورسەتە ءبىلدى. ماۋسىم باستالىسىمەن ول بىرنەشە مەدالعا يە بولدى. قازاقستان ۆەلوسيپەد سپورتى فەدەراسياسى دانا احمەتوۆانىڭ جاقىندارى مەن تۋىستارىنا كوڭىل ايتادى جانە قايعىعا ورتاق ەكەنىن جەتكىزەدى. بۇل ورنى تولماس قازا. ءبىز سىزدەردىڭ قايعىلارىڭىزعا ورتاقپىز"، - دەلىنگەن حابارلامادا. 

شولۋشى: ايگەرىم تاۋباي