مادريدتە «ۋبەر» مەن «كابي فاي» ونلاين قىزمەتتەرىنە قارسى باعىتتالعان تاكسي جۇرگىزۋشىلەرىنىڭ كەزەكتى نارازىلىق شاراسى ءوتتى. ولار يسپانيا كولىك مينيسترلىگى عيماراتى الدىنان شەرۋمەن ءوتتى دەپ حابارلايدى 24.kz. شەرۋشىلەر اتالعان كومپانيالار ادال باسەكەگە تۇسپەي، زاڭدى بۇزىپ ءجۇر دەپ سانايدى. تاكسي جۇرگىزۋشىلەر ليسەنزياسى ءۇشىن 120 مىڭنان باستاپ 170 مىڭ ەۋروعا دەيىن تولەپ ءجۇر. ال «ۋبەر» مەن «كەبي فاي» جۇرگىزۋشىلەرى سالىقتىڭ وزگە ءتۇرىن تولەيدى ەكەن. كولىكتى جۇرگىزۋشىسىمەن بىرگە جالداۋ ليسەنزياسى 4 ەسە ارزان، شامامەن 32 مىڭ ەۆرو تۇرادى. 2014 جىلى يسپانيا سوتى «ۋبەر» كومپانياسى ەل زاڭدارىن بۇزىپ، ادال باسەكەگە تۇسپەي ءجۇر دەگەن ۇكىم شىعارعان بولاتىن.

وسىدان كەيىن «ۋبەر» يسپانياداعى جۇمىسىن دوعارعان ەدى. الايدا، بىلتىرعى جىلدىڭ اياعىندا اتاۋىن «ۋبەر-يكس» دەپ وزگەرتىپ مادريد كوشەلەرىنە قايتا ورالدى. جوزە گابريەل، تاكسي جۇرگىزۋشىسى: - وكىمەتتەن كولىك جونىندە زاڭدى قورعاپ، كۆوتالاردىڭ ساقتالۋىن تالاپ ەتۋ ءۇشىن كوشەگە شىقتىق. كولىكتى جۇرگىزۋشىسىمەن بىرگە جالداۋدىڭ ءبىر ليسەنزياسى 30 تاكسي كولىگىنە ەسەپتەلۋى ءتيىس. ءبىراق جولدارىمىزعا قاراساڭىز، بۇل ەرەجەگە ەلەمەيتىنىن كورەسىز.