تۇلەكتەر ۇبت ۇيىمداستىرۋشىلارىنىڭ ۇستىنەن شاعىم ءتۇسىردى، - دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ. بۇل تۋرالى ق ر بعم ۇلتتىق تەستىلەۋ ورتالىعىنىڭ ديرەكتورى ۇلتتىق ءبىرىڭعاي تەستىلەۋ قورىتىندىلاۋ باسپا ءسوز بريفينگىندە مالىمدەدى.

جۋرناليستەردىڭ سۇراعىنا جاۋاپ بەرە وتىرىپ رامازان ءالىمقۇلوۆ شتاتتان تىس وقيعالار تىركەلمەگەنىن ايتتى. الايدا تەست تاپسىرۋشىلار مەن تەكسەرۋشىلەر اراسىندا ءبىر جاعدايدىڭ بولعانىن ايتىپ بەردى. 

"قازاقستاننىڭ ءبىر وڭىرىندە ءبىر جاعداي بولدى، ءبىزدىڭ وكىلدەرىمىزدىڭ ۇستىنەن تەست تاپسىرۋشىلار پوليسياعا ارىز تۇسىرگەن، ولاردىڭ ايتۋىنشا تەكسەرۋشىلەر تۇلەكتەردىڭ تەلەفوندارىن جويىپ جىبەرگەن نە تارتىپ العان. بۇل وقيعانى پوليسي بولىمىندە تەست تاپسىرۋ كەزىندە تەكسەرۋشىنىڭ ەرەجەگە ساي ارەكەت ەتكەنىن ءتۇسىندىرىپ، بوتەن زاتتاردىڭ الىنانتىنىن ايتتىق. وسىلايشا، ءبىز كەلەسى جىلى تەست تاپسىرۋشىلارعا ەسكەرتكىمىز كەلەدى. ەرەجەگە سايكەس تەست تاپسىرۋعا بوتەن زاتتاردى، ياعني ەلەكتروندىقۇرالدار قۇرالداردى پايدالانۋعا مۇلدەم رۇقسات جوق. وسى ماسەلەنى نازارعا السا ەكەن دەيمىز"، - دەدى ق ر بعم ۇلتتىق تەستىلەۋ ورتالىعىنىڭ ديرەكتورى رامازان ءالىمقۇلوۆ. 

سونىمەن قاتار، ۇبت ەرەجەلەرىن بۇزعان جانە رۇقسات ەتىلمەگەن زاتتاردى پايدالانعانى ءۇشىن 12 ادامنىڭ تەستىلەۋدەن شىعارىلعانىن جەتكىزدى. 85 446 رۇقسات ەتىلمەگەن زات تاركىلەندى، ونىڭ ىشىندە 43 394 ەلەكتروندى قۇرىلعىلار (ۇيالى تەلەفوندار، روۋتەر، مودەمدەر) جانە 42 052 قاعاز كومەكشىلەر بار(شپارگالكالار، كىتاپتار).

"ءوز-وزىڭدى الداۋ مۇمكىن ەمەس. ومىردە تەك ءوز كۇشىڭە سەنگەن دۇرىس. ءوز ءبىلىمىڭ ارقىلى تەست تاپسىرعان ءتيىمدى، - دەدى ق ر بعم ۇلتتىق تەستىلەۋ ورتالىعىنىڭ ديرەكتورى رامازان ءالىمقۇلوۆ.