پوليسەيلەر رەسەيدە تۇرىپ جاتقان قازاقستان تۋمالارىن ەپيسكوپتان 55 مىڭ دوللاردى تارتىپ الدى دەگەن كۇدىكپەن اۋەجايدا ۇستادى دەپ حابارلايدى قامشى اقپاراتتىق اگەنتتىگى ماسكەۋ قالالىق جاڭالىقتار اگەنتتىگىنە سىلتەمە جاساپ.
«سارسەنبى كۇنى كەشكىسىن دومودەدوۆ اۋەجايىندا 27 جاستاعى ەر ادام مەن 23 جاستاعى قىز 37 جاستاعى شىركەۋ قىزمەتكەرىنەن 55 مىڭ دوللار بوپسالادى دەگەن كۇدىكپەن ۇستالدى. بولعان وقيعاعا بايلانىستى قىلمىستىق ءىس قوزعالدى» دەدى پوليسيا وكىلى.
ەپيسكوپ پوليسياعا شاعىم تۇسىرگەن. ماسكەۋ كوشەلەرىنىڭ بىرىندە بەلگىسىز بىرەۋلەر ەپيسكوپتى ۇستاپ الىپ 55 مىڭ دوللار تالاپ ەتكەن. ونى بەرمەگەن جاعدايدا ول تۋرالى دەرەكتەر بار ەكەنىن جانە جاريالايتىنىن ايتىپ قورقىتقان.
شاعىم ءتۇسىرۋشى اۋەجايعا بارىپ، جالعان اقشانى تاپسىرۋ بارىسىندا بوپسالاۋشىلاردى ۇستادى. وعان پوليسيا، فقق قاتىستى.
شولۋشى: اسەم المۇحانبەت
