مەملەكەتتىك قۇپيانى تاراتقان مايلىبايەۆ 5 جىلعا باس بوستاندىعىنان ايىرىلدى، دەپ جازادى قامشى اقپارات اگەنتىتگى.

30 ماۋسىمدا استانا سوتى پرەزيدەنت اكىمشىلىگى جەتەكشىسىنىڭ بۇرىنعى ورىنباسارىنا وسىنداي جازا كەستى. سونداي-اق ونىڭ بار مۇلكى دە تاركىلەنىپ، ەندى ەشقاشان مەملەكەتتىك قىزمەتكە ارالاسا المايدى.

ال 41 جاستاعى باعلان مايلىبايەۆتىڭ سىبايلاسى نيكولاي گاليحين اۋىر جازادان قۇتىلىپ كەتتى. مەملەكەتتىك قۇپيانى تاراتقانى دالەلدەنگەن ول 4 جىل شارتتى جازا الدى. اقوردانىڭ ىشكى ساياساتىنا جاۋاپتى بولعان گاليحين دە بۇدان-بىلاي بيلىككە مۇلدەم جولاماۋى ءتيىس. اتىشۋلى پروسەستىڭ جابىق وتكەنىن ەسكەرسەك، بۇرىنعى لاۋازىمدى اتقامىنەرلەردىڭ جاسىرىن دەرەكتى كىمدەرگە بەرگەنى دە بەلگىسىز. ەسكە سالساق، پرەزيدەنت اكىمشىلىگى جەتەكشىسىنىڭ ورىنباسارى بولعان مايلىبايەۆ 12ء-شى قاڭتاردا قىزمەتىنەن بوساتىلىپ، ەكى كۇننەن كەيىن قاماۋعا الىنعان ەدى.

ەسكە سالا كەتەيىك، ۇلتتىق قاۋىپسىزدىك كوميتەتى 2017 جىلعى 12 قاڭتاردا قىلمىستىق كودەكستىڭ 185-بابى 1، 3-بولىگىندە كوزدەلگەن ("مەملەكەتتiك قۇپيالاردى زاڭسىز جيناۋ، تاراتۋ، جاريا ەتۋ") قىلمىستاردى جاسادى دەگەن كۇدىكپەن ق ر پرەزيدەنتى اكىمشىلىگىنىڭ قىزمەتكەرلەرى باعلان مايلىبايەۆ پەن نيكولاي گاليحين ۇستالعانىن حابارلادى.