سيريا پرەزيدەنتى باشار اسادتىڭ پورترەتىمەن العاشقى رەت ۇلتتىق بانكنوتتار پايدا بولدى. مەملەكەت باسشىسىنىڭ سۋرەتى 2 مىڭ فۋنت اقشاسىندا بەينەلەنگەن، دەپ جازادى قامشى اقپارات اگەنتتتىگى. بۇل تۋرالى Reuters حابارلايدى.
2 ماۋسىم كۇنى، جەكسەنبىدە سيريا ورتالىق بانكىنىڭ باسشىسى دۋرايد دۋرگام اقشانى تانىستىرىپ، سول كۇنى-اق اينالىمعا شىعاردى. ونىڭ سوزدەرىنە قاراعاندا، تارالىم بىرنەشە جىل بۇرىن باسىلعان، الايدا اينالىمعا شىقپاۋىنا سوعىس پەن ايىرباس باعامىنىڭ اۋىتقۋى سەبەپ بولعان.
جاڭا بانكنوت 4 اقش دوللارىنا تەڭ. بۇل ۋاقىتقا دەيىن سيريانىڭ ەڭ ءىرى اقشا بەلگىسى 1 مىڭ فۋنت بولعان ەدى، وندا 2000 جىلى دۇنيەدەن وتكەن پرەزيدەنت، اسادتىڭ اكەسى حافەز ءال-اساد بەينەلەنگەن.
شولۋشى: گۇلىم جاقان
پىكىر قالدىرۋ