2017 جىلعى ماۋسىمدا ازىق-تۇلىك تاۋارلارىنىڭ باعاسى 2016 جىلعى ماۋسىممەن سالىستىرعاندا 9،7 پايىزعا ءوستى، - دەپ حابارلايدى قامشى اقپاراتتىق اگەنتتىگى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتىنە سىلتەمە جاساپ

باسپا ءسوز قىزمەتىنىڭ مالىمەتىنشە، كوفە، شاي جانە كاكاو 20،5 پايىزعا، جەمىستەر مەن كوكونىستەر - 17،3 پايىز، كونديتەرلىك ونىمدەرگە - 11،8 پايىزعا، الكوگول ىشىمدىكتەر - 9،3 پايىزعا، توقاش جانە ۇن ونىمدەرى - 8،6 پايىزعا، ءسۇت ونىمدەرى - 8،4 پايىزعا، بالىق جانە تەڭىز ونىمدەرى - 7،6 پايىزعا، نان - 7،4 پايىزعا، ۇن - 5،5 پايىزعا، ماي جانە توڭ ماي - 3،8 پايىزعا، ماكارون ونىمدەرى - 3،3 پايىزعا، قانت - 1،1 پايىزعا قىمباتتاعان، ال جارمالار 2،1 پايىزعا تومەندەدى.

بۇل كەزەڭدە ەت جانە ەت ونىمدەرى باعاسىنىڭ ءوسىمى 10،3 پايىز بولىپتى. سيىر ەتىنە باعا دەڭگەيى 12،9 پايىز، قوي ەتىنە - 12،1 پايىز، قۇس ەتىنە - 11،6 پايىز، شوشقا ەتى - 9 پايىز، جىلقى ەتىنە - 7،1 پايىز، شۇجىق ونىمدەرىنە - 5،6 پايىزعا جوعارى بولدى.