اقش پرەزيدەنتى دونالد ترامپتىڭ الەۋمەتتىك جەلىدە ءجيى وتىراتىنىنا بايلانىستى قوعامدا داۋ تۋعان، حالىق تەرىس پىكىرىن جاۋدىردى. الايدا وزىنە قاتىستى تەرىس پىكىرلەرگە كوڭىل اۋدارىپ جاتقان پرەزيدەنت جوق. بۇل تۋرالى قامشى اقپارات اگەنتتىگى جەرگىلىكتى باق-قا سىلتەمە جاساپ حابارلايدى.

«مەن الەۋمەتتىك جەلىنى پرەزيدەنت رەتىندە ەمەس، زاماناۋي پرەزيدەنت رەتىندە پايدالانامىن»، - دەپ جازدى ترامپ تۆيتتەردەگى پاراقشاسىنا.

وسىدان بۇرىن ترامپ ەم-ەس-ەن-بي-سي ارناسىنداعى Morning Joe باعدارلاماسىنىڭ جۇرگىزۋشىلەرى ميكە بجەزينسكي مەن دجو سكاربورو جايىندا بىردەن جاۋاپ قاتقان.

ونىڭ تۆيتتەردەگى جازباسى دەموكراتتار عانا ەمەس، ءدۇيىم رەسپۋبليكا تاراپىنان تالقىلانعان. الايدا اق ءۇي پرەزيدەنتتى قورعاي تۇسكەن.

ال پرەزيدەنتتىڭ ءوزى الەۋمەتتىك جەلىنى پايدالانۋ ارقىلى مەملەكەت جۇرتشىلىعىمەن تىكەلەي بايلانىسقا شىعۋىنا مۇمكىندىك الاتىنىن ايتتى.

«باق-تىڭ تاراتىپ جۇرگەن فەيك جاڭالىقتارى رەسپۋبليكالىقتارعا مەنىڭ الەۋمەتتىك جەلىنى پايدالانباۋىمدى ايتىپ ۇگىتتەيدى. ءبىراق ەستەرىڭىزدە بولسىن، مەن 2016 جىلى بولعان سايلاۋدا سۇحاباتتار مەن الەۋمەتتىك جەلىگە شىعۋىمنىڭ ارقاسىندا جەڭىسكە جەتتىم»، - دەپ جازدى ول پاراقشاسىنا.

اتالمىش جاعدايدىڭ ءبارى ترامپ پەن رەسەيدىڭ بايلانىسى جايىندا جازعان سي-ەن-ەن ارناسىنىڭ ءۇش جۋرناليسىنەن كەيىن باستالعان. بۇگىندە ءۇش ءتىلشى ءوز ورىندارىن بوساتقان. ال ولارعا قاتىستى ترامپ تۆيتتەردەگى پاراقشاسىنا بىلاي دەپ جازعان ەدى:

«مەن سي-ەن-ەن ارناسىنىڭ #فەيكجاڭالىقتارىن ارنانىڭ #الاياقجاڭالىقتارى دەپ وزگەرتۋدى ويلانىپ وتىرمىن».

شولۋشى: گۇلىم جاقان