3 شىلدە كەشكە تامان ساياساتكەرلەر رەسمي ەمەس كەزدەسۋ وتكىزگەن، ال بۇگىنگى كەلىسسوز ماسكەۋ مەن بەيجىڭنىڭ  ارا قاتىناسىنىڭ نىعايۋى جايىندا بولماق، دەپ جازادى قامشى اقپارات اگەنتتىگى.

رەسەي جانە جۇڭگو باسشىلارى ۆلاديمير پۋتين مەن سي ءسزينپيننىڭ كەلىسسوزى كرەملدە ءوتتى. قحر باسشىسى ماسكەۋگە ەكى كۇندىك ساپارمەن بارعان. ءىس ساپارىنىڭ ماقساتى – ساۋدا، ەنەرگەتيكا، ءبىلىم جانە ستراتەگيالىق سەرىكتەستىك ماسەلەلەرى تۋراسىندا ەكى جاقتى 40 قۇجاتقا قول قويۋ.

كەشە كەشكە تامان ساياساتكەرلەر رەسمي ەمەس كەزدەسۋ وتكىزگەن. جەرگىلىكتى باق-تىڭ مالىمەتىنشە، ەكى جاق سيريا مەن كورەي جارتى ارالىن تالقىلاعان. ال رەسەي پرەزيدەنتىنىڭ ايتۋىنشا، بۇگىنگى كەزدەسۋدە 2017 جىلى ماسكەۋ مەن بەيجىڭنىڭ ارا-قاتىنىسىن نىعايتۋ كوزدەلگەن.

سي سزينپين ءوز سوزىندە رەسەيگە قايتا كەلگەنى ءۇشىن «قىمباتتى دوسى» ۆلاديمير پۋتينگە العىسىن ءبىلدىردى. سونداي-اق، شەتەلدىك باسشىلاردىڭ ىشىندە رەسەي پرەزيدەنتىمەن كوبىرەك كەزدەسەتىنىن دە ايتىپ ءوتتى.

«جۇڭگو مەن رەسەي – ورتاق وزەندەرى مەن تاۋلارى بار جاقىن كورشىلەر. ءبىز - بىر-بىرىمىزگە قاشان دا قولداۋ كورسەتىپ، قول ۇشىن سوزاتىن سەنىمدى دوستارمىز، سەرىكتەستەرمىز»، - دەدى جۇڭگو باسشىسى.

شولۋشى: گۇلىم جاقان