قازاقستاندا ءۇيدىڭ باعاسى ارزانداپ جاتىر دەپ جازادى قامشى اقپاراتتىق اگەنتتىگى krisha.kz-كە سىلتەمە جاساپ.

باعانىڭ تومەندەۋى ورتا نەمەسە تومەنگى رەسپۋبليكالىق دەڭگەيگە جەتكەن ايماقتار – الماتى، استانا جانە شىمكەنت. استاناداعى جىلجىمايتىن مۇلىك نارىعىنداعى كورسەتكىش 5 % تومەندەگەن. جارتى جىلدىڭ ىشىندە ءبىر شارشى مەتردىڭ باعاسى 16 مىڭ تەڭگەگە ارزاندادى.

وسىنداي جاعداي اقتوبە مەن قوستانايدا دا ورىن الدى. ماۋسىم ايىندا ءبىر شارشى مەتر 5 جانە 5.3 % ارزاندادى. بۇل 8 جانە 9.9 مىڭ تەڭگەنى قۇرايدى.

تۇرعىن ءۇي نارىعىندا زارداپ شەككەندەردىڭ ۇشتىگى قاتارىندا الماتى دا بار. مۇندا ورتاشا باعا 6 %.

جارتى جىلدىق كورسەتكىشتە شىمكەنت  پەن اقتاۋ كوش باستاپ تۇر. بۇل ايماقتاردا ءبىر شارشى مەتر 9 % ارزاندادى. ياعني، 19 جانە 23 مىڭعا ءتۇستى.

ماۋسىم ايىنداعى ەڭ ارزان جىلجىمايتىن مۇلىك اقتوبەدە. ءبىر شارشى مەتردىڭ ورتاشا باعاسى 152 مىڭ تەڭگەنى قۇرايدى.

تۇرعىن ءۇيى قىمبات قالالاردىڭ بەستىگىنە قاراعاندى مەن شىمكەنت كىردى. ونداعى ءبىر شارشى مەتردىڭ باعاسى 196 جانە 199 مىڭ تەڭگەنى قۇرايدى.

ءۇشىنشى ورىندا – اقتاۋ. ءبىر شارشى مەتر 226 مىڭ تەڭگە تۇرادى.

ەكىنشى ورىندا – استانا. وندا ءبىر شارشى مەتر 317 مىڭ تەڭگە تۇرادى.

قازاقستانداعى تۇرعىن ءۇيى ەڭ قىمبات قالا – الماتى. وندا ءبىر شارشى مەتر 338 مىڭ تەڭگە تۇرادى.

شولۋشى: اسەم المۇحانبەت