استاناداعى وقۋشىلار سارايىندا ەلباسى نۇرسۇلتان نازاربايەۆ تۋرالى «و ۆەليكوي جيزني» - «ۇلى ادام تۋرالى ۇلاعاتتى كىتاپ» اتتى تۋىندىنىڭ تۇساۋكەسەرى ءوتتى، دەپ جازادى قامشى اقپارات اگەنتتىگى. بۇل تۋرالى قازاقپارات جازادى.

كىتاپتىڭ اۆتورى - رەسەي فەدەراسياسىنىڭ ەڭبەك سىڭىرگەن مادەنيەت قايراتكەرى، تاريحشى، جازۋشى، پۋبليسيست نيكولاي الەكساندروۆيچ زەنكوۆيچ. تۇساۋكەسەر بارىسىندا اۆتور كىتاپتى شىعارۋداعى باستى يدەيا، مەملەكەت باسشىسىنىڭ ومىرىندەگى سيۋجەتتىك جەلىگە ەنگەن نەگىزگى وقيعالار تۋرالى باياندادى.

«نۇرسۇلتان نازاربايەۆ تۋرالى ەشكىمنىڭ وعاش پىكىر ايتقانىن ەستىگەن ەمەسپىن. قوعامدىق پىكىر دەگەن وسى. نۇرسۇلتان نازاربايەۆ تۋرالى قوعام ويىنىڭ وزگەرگەنىن دە ەستىگەنىم جوق. ول حالقىن، حالقى مەملەكەت باسشىسىنىڭ ءقادىرىن بىلەدى. قازاقستان پرەزيدەنتى ەلى جولىندا بارىن سالىپ كەلەدى. مەن پرەزيدەنتتىڭ ءومىرىن 1996 جىلدان بەرى زەرتتەپ كەلەمىن. پرەزيدەنت بولۋ وتە قيىن جۇمىس. شەتەلدىك پرەزيدەنتتەردىڭ نۇرسۇلتان ءابىش ۇلى تۋرالى بۇرىننان بەرى ايتىپ كەلە جاتقان پىكىرلەرىن جيناقتادىم. ۇلى ادامعا دەگەن قۇرمەتىممەن كىتاپتى جازىپ شىقتىم»، - دەيدى نيكولاي زەنكوۆيچ.

رەسەيلىك جازۋشىنىڭ كىتابىن قازاق تىلىنە بەلگىلى ق ر ەڭبەك سىڭىرگەن قايراتكەرى، قالامگەر، بەلگىلى جۋرناليست، پۋبليسيست قاينار ولجاي اۋدارعان. تۋىندى قازاق جانە ورىس تىلىندە دە ەكى مىڭ تيراجبەن جارىققا شىقتى.

ايتا كەتەيىك، «ۇلى ادام تۋرالى ۇلاعاتتى كىتاپ» - تاۋەلسىز قازاقستاننىڭ تاريحىنداعى مەملەكەت باسشىسى تۋرالى جاسى 12-دەن اسقان جاس جەتكىنشەكتەردەن جوعارى اۋديتورياعا ارنالعان العاشقى تۋىندى. سونداي-اق، ول جوعارى سىنىپ وقۋشىلارى مەن كتۋ وقۋشىلارى ءۇشىن دايىن وقۋ قۇرالى بولىپ تابىلادى.