الماتىداعى جول اپاتى سالدارىنان ەكى اياعىنان ايىرىلعان ەكاتەرينا پارافييەۆا وتانداستارىنا قولداۋ كورسەتكەنى ءۇشىن العىسىن ءبىلدىردى دەپ حابارلايدى قامشى اقپاراتتىق اگەنتتىگى sputniknews.kzسىلتەمە جاساي وتىرىپ.
ەكاتەرينانىڭ جۇرەك جاردى سوزدەرىن Facebook پاراقشاسىندا ولگا اگاپوۆا جەتكىزگەن.
"قايىرلى كۇن، دوستار! تۋعان-تۋىستار، دوس-جاراندار، ارىپتەستەر مەن اق جۇرەك مەيىرىمدى جاندار!
جاعدايىم اجەپتاۋىر جاقسارىپ قالدى، سىزدەرگە شىن جۇرەكتەن العىسىمدى بىلدىرگىم كەلەدى. جىلى سوزدەرىڭىز، دۇعا - تىلەكتەرىڭىز بەن وتباسىما ماتەريالدىق كومەك كورسەتكەندەرىڭىز ءۇشىن كوپ راحمەت!
سىزدەردىڭ قولداۋىڭىز ماعان قانشالىقتى كۇش قۋات بەرگەنىن ەلەستەتۋ قيىن، سىن ساعاتىندا دەمەۋ بولعان سىزدەر.
الدىمدا ۇلكەن جول بار، ءبىراق بۇل سىننان دا سۇرىنبەي وتەتىنىمە سەنىمدىمىن، ويتكەنى اينالامدا ماعان قولداۋ كورسەتىپ، دەمەۋ بولار مەيىرىمدى جاندار وتە كوپ. سول ءۇشىن دە مىڭ العىس!
كومەك قولىن سوزعان ارقايسىڭىزبەن جەكە تانىسىپ، قايىرىمدىلىقتارىڭىز ءۇشىن العىسىمدى بىلدىرگىم كەلەدى.
كەيىنىرەك بۇل مۇمكىندىككە دە قول جەتكىزەمىن دەپ سەنەمىن. مىڭ دا ءبىر راحمەت!!!".
